Научниците во Тенеси во мај претставија суперкомпјутер што го скрши прагот на операции во секунда. Системот наречен „Фронтиер“ (Frontier), официјално најбрзиот во светот, бара многу галони вода (за ладење), високообучен персонал и огромна инфраструктура за да функционира.
Суперкомпјутерите знаат навистина да се загреат. За да се спречи топење на „Фронтиер“, потребна е инфраструктура што се простира на над 7.300 квадратни метри. Обезбедени преку огромни пумпи, околу 6.000 галони вода (над 20.000 литри) во минута течат низ системот и преку повеќе од 9.000 јазли на компјутерот. Водата не е претходно ладена, што ја прави програмата невообичаено енергетски ефикасна.
Системот за ладење на „Фронтиер“ користи пумпи со 350 коњски сили, со капацитет да наполнат олимписки базен за помалку од еден час / Bloomberg Businessweek
Во Оук Риџ, Тенеси, група од црвени ниски згради е домот на националната лабораторија „Оук Риџ“, еден од најголемите капацитети за истражување и развој во САД и родното место на суперкомпјутерот „Фронтиер“.
Набргу по започнувањето со работа во 2022 година, „Фронтиер“ ја презеде титулата за најбрз компјутер во светот, според податоците што се јавно достапни. Тој ја проби познатата бариера - што значи дека може да заврши повеќе од квинтилион пресметки за една секунда. Тоа е како секој човек на планетата да извршува по 60 пресметки во минута, без прекини, во период од четири години.
Овие четири пумпи се дел од повеќе од милион фунти вредната опрема што го напојува „Фронтиер“ / Bloomberg Businessweek
Конфигурацијата е составена од систем на „Хјулит Пакард“ (Hewlett Packard - HP), со чипови од „Едвансд мајкродивајсис“ (Advanced Micro Devices - AMD).
Истражувачите планираат да го користат „Фронтиер“, финансиран од Министерството за енергетика на САД, за да се справат со проблеми што се надвор од дофатот на обичните компјутери, како што се моделирање на резултатите од климатските промени, истражување на потеклото на болести и откривање модели во медицинските податоци.
.webp){kind=icon}
