„Гугл“ го откри својот следен чекор во трката за доминација во генеративната вештачка интелигенција: директно вградување на технологијата во многу од своите најпопуларни производи.
Одделот на компанијата „Алфабет“ (Alphabet) објави дека ќе го додаде четботот Бард (Bard) на своите услуги како што се Џимејл (Gmail), Мапс (Maps), Докс (Docs) и Јутјуб (YouTube). Бард првпат беше објавен во февруари и веќе заостанува зад ЧетГПТ (ChatGPT) на „Опен еј-ај“ (OpenAI). Директорите на „Гугл“, кои се соочуваат со регулатори ширум светот, рекоа дека нема да брзаат да ги пуштат услугите со вештачка интелигенција.
„Гугл“ објави дека новите функции ќе им овозможат на луѓето да следат информации за летовите, да зацртаат маршрути на мапи и да гледаат релевантни видеа - сето тоа за време на еден континуиран разговор со Бард.
Последниот чекор на „Гугл“ го следи „Мајкрософт“, кој во март ги објави плановите за интегрирање на ЧетГПТ во својот пакет на Офис (Office) апликации. Од „Гугл“ порачаа дека ниту еден материјал што Бард го користи за да комуницира со корпоративните корисници, како што се документите на компаниите складирани во облак, нема да биде видлив за човечките рецензенти и нема да се користи за прикажување реклами.
Заедно со овие дополнувања, „Гугл“ објави и функција која ќе им овозможи на луѓето да ја проверуваат релевантноста наодговорите на Бард со прикажување на изворот на материјалот пронајден преку пребарувачот на „Гугл“.
.webp){kind=icon}
