.webp){kind=icon}
Компанијата „Мајкрософт“ (Microsoft) им нуди на американските политичари и изборни штабови алатка чија цел е да помогне во борбата против порастот на длабоко лажни т.н. дипфејк-содржини пред претседателските избори во 2024 година.
Новата алатка ќе им овозможи на клиентите да ги автентицираат своите видеа и фотографии користејќи т.н. „воден жиг“ (анг. watermarks), објави претседателот на „Мајкрософт“, Бред Смит, на блогот на компанијата рано во средата. „Користејќи криптографија, услугата ќе создаде трајна евиденција на слики или видеа, дозволувајќи му секому на интернет да види дали со текот на времето се дигитално изменети или генерирани од вештачка интелигенција“, рече Смит.
Првично „Мајкрософт“ планира да им ја понуди алатката бесплатно на политичките кандидати, а потоа може да ја прошири на повеќе групи, по изборите во САД во 2024 година, вели лице запознаено со ситуацијата, кое побара да остане анонимно бидејќи информациите не се јавни.
Прочитај повеќе
Длабоката лажна револуција може да ги прероди медиумите
Традиционалните медиуми и новинари може повторно да се вратат во мода.
20.04.2023
Лажна фотографија од експлозија кај Пентагон ги стресе берзите
Лажна фотографија од експлозија во близината на Пентагон широко се распространи на социјалните мрежи во понеделникот наутро.
23.05.2023
Како влезе вештачката интелигенција во Македонија и какви ризици носи
Еден пример што ни е близок нам, во Македонија, е за користењето на ЧетГПТ од страна на учениците.
02.11.2023
„Сименс“ и „Мајкрософт“ развиваат асистент со вештачка интелигенција за во фабриките
„Тоа ќе го сведе на минути времето на задачи што претходно траеле со недели“, велат од „Сименс“.
01.11.2023
Понудата на „Мајкрософт“ доаѓа во период кога расте загриженоста за слики и видеа генерирани од вештачка интелигенција и нивната потенцијална способност да ги засилат дезинформациите, додека Американците се подготвуваат да изберат нов претседател во ноември 2024 година. Веќе имаше политички длабоко лажни содржини: во јуни Рон Десантис беше критикуван за објавување лажни слики на социјалната мрежа Х на кои Доналд Трамп се прикажува како близок со доктор Ентони Фаучи - што беше обид да се исмее неговиот републикански противник. Во април Републиканскиот национален комитет дистрибуира лажно видео што прикажува апокалиптично сценарио во САД под водство на претседателот Џо Бајден.
Не е јасно до кој степен политичарите и нивните штабови ќе ја прифатат понудата на „Мајкрософт“ и колку ќе ја користат таа алатка. Понудата против длабоко лажните содржини стана како традиција за „Мајкрософт“, кој во 2020 година најави алатка за нивно откривање и им понуди на политичарите средство за автентикација на нивната содржина.
И додека „Мајкрософт“ предупредува за длабоко лажни содржини и нуди помош во борбата против нив, компанијата исто така многу инвестира во областа на генеративната вештачка интелигенција. „Мајкрософт“ инвестираше 10 милијарди долари во „Опен еј-ај“ (OpenAI), креаторот на еден од најпопуларните генератори на слики со вештачка интелигенција, „Дал-и“ (Dall-E).
Само неколку недели пред објавувањето на видеото на Бајден, вирална беше манипулаторска снимка од сенаторката Елизабет Ворен во која се тврди дека на републиканците треба да им се забрани да гласаат.
Група американски сенатори во септември претставија закон со кој ќе се забрани употребата на длабоко лажни содржини за да се влијае на изборите или да се собираат политички средства.
„Мајкрософт“ исто така објави нов извештај за разузнавачките закани што дополнително ја нагласува загриженоста од обиди на странските актери да влијаат на кампањите. Компанијата вели дека најверојатно Кина, Иран и Русија ќе се обидат да се мешаат во американската политика во наредната година.
