Не ви е јасно зошто S&P расте, а вие губите - даваме одговор

Слабеењето на доларот во однос на еврото оди прилично незабележано, особено во Македонија, веројатно затоа што зделките се склучуваат во евра и зголемувањето на цената лесно се пренесува на крајниот клиент, па затоа купувачите навистина не се грижат. Сепак, со оглед на тоа што приносите постигнати во Америка често се користат како основа за лицитирање, би било добро да се забележи што се случува со односот евро-долар, особено во инвестициската сфера.

Доларот веќе ослабе за 14,6 проценти во однос на еврото оваа година, па затоа не само што ја избриша вкупната заработка на европските инвеститори во S&P, туку напротив ги доведе во минус.

Со други зборови, можеби бевте импресионирани од пазарот на капитал минатата година и донесовте новогодишна одлука да инвестирате во S&P 500 ЕТФ. Ако вчера сакавте да профитирате од бумот на пазарот би биле непријатно изненадени затоа што вашата инвестиција, мерена во евра, не порасна за 12 проценти, туку е во минус. Ако на тоа се додаде и инфлацијата, сега сте во минус од пет проценти во споредба со почетокот на годината.

Или, вашите 10.000 евра од почетокот на годината не би генерирале 1.200 евра со тоа што останаа во S&P 500 ЕТФ, бидејќи со девизната размена вие би биле во кусок од 190 евра односно би имале 1,9 проценти помалку. Фактот дека овој износ има помала куповна моќ, поради инфлацијата, не треба да се нагласува, но барем не треба да плаќате данок на капитална добивка во Македонија и Америка затоа што сè уште сте во минус.

За проблемот на краток рок многу се пишуваше во инвестициската заедница. Верувам дека оваа година ќе ги принуди учесниците да се фокусираат и на евро-доларот.

Ако сте биле храбри и, дури и за време на периодот на ковидот, на крајот од 2020 година, сте донеле одлука да инвестирате во S&P 500, ситуацијата е поинаква. Дури и кога деноминираната вредност на индексот е дисконтирана за инфлацијата, вашиот принос е на ниво на она што го бележат американските инвеститори.

Со други зборови, на долг рок, разликата не е значајна бидејќи доларот на крајот на 2020 година или почетокот на 2021 година беше слаб, дури и послаб од денес, во тоа време се плаќаа 1,2216 долари за секое евро.

За да се освестиме за валутниот ризик, да се потсетиме на плачот на луѓето што имаа кредити во швајцарски франци. Не беше каматната стапка таа што брзо ги зголемуваше нивните рати за кредит, туку валутата, или промената на девизниот курс. Истата ситуација е и во вовој случај, слабеењето на доларот заедно со инфлацијата на еврото брише значителен дел од заработката на македонските инвеститори кои бараат заработка во Америка.

Постои решение, се нарекува хеџ (hedge) но имајќи ги предвид каматните стапки, сепак е се’ уште доста скапо.

 

Во моментов нема коментари за веста. Биди прв да коментира...

Остави коментар