.webp){kind=icon}
„Дојче банк“ (Deutsche Bank AG) ја следи ситуацијата во „Кредит Суис“ (Credit Suisse Group AG) со цел потенцијално да преземе одредени бизниси, велат извори запознаени со ова прашање.
Дискусиите се вртат околу тоа кои делови од „Кредит Суис“ би биле атрактивни и каква вредност би им била поставена на посакуваните средства ако се појават на пазарот доколку бидат купени од УБС (UBS Group AG) или ако се радвојат, велат изворите, барајќи да останат анонимни бидејќи се работи за приватни информации. Досегашните размислувања на германската банка се интерни и таа сè уште нема дадено конкретни предлози до швајцарскиот заемодавец, посочуваат упатените.
Размислувањата на „Дојче банк“ се дел од поголем потфат за проценка на потенцијалните последици од падот на „Кредит Суис“, според изворите. Најголемата швајцарска банка УБС размислува за целосно купување или преземање на делови од својот помал ривал, по повикот на швајцарските регулатори да се запре кризата на доверба, објави претходно „Блумберг“.
Прочитај повеќе
УБС размислува да ја преземе Кредит Суис, но бара владини гаранции
УБС бара од швајцарската влада заштитен механизам доколку се одлучи да ја купи „Кредит Суис“.
18.03.2023
„Кредит Суис“ доби сламка за спас, но ќе ги врати ли клиентите?
Спасувачкиот пакет од 54 милијарди долари што „Кредит Суис“ го доби во четвртокот ѝ дава шанса да го обнови својот бизнис.
17.03.2023
Поради кризата, „Кредит Суис“ ќе земе 54 милијарди долари од централната банка
„Кредит Суис“ ќе добие заем од 50 милијарди швајцарски франци (54 милијарди долари) од централната банка на Швајцарија.
16.03.2023
Од „Дојче Банк“ го одбиле барањето за коментар.
Бизнисите за управување со имот и богатство на „Кредит Суис“ би можеле да бидат од интерес, имајќи предвид дека германската фирма сака да се прошири во тие области. Таа веќе ги проучувала тие бизниси додека швајцарската банка подготвуваше голема ревизија на стратегијата што ја претстави на крајот на октомври, објави „Блумберг“. Проектот е во мирување откако швајцарскиот заемодавец го објави ремонтот, иако извори неодамна рекоа дека тој може да биде обновен доколку овие оддели станат достапни.
