.webp){kind=icon}
Неколку часа откако од „ЏП Морган“ (JPMorgan Chase & Co.) се согласи да ја купи банката „Фрст рипаблик“ (First Republic), учесниците на Глобалната конференција на институтот „Милкен“ (Milken) во Калифорнија го започнаа денот под покриен павилјон додека надвор врнеше дожд. Во областа Вилшир Гарден, опкружена со бујно зеленило, капки се лизгаа од крилото на стреата на сцената додека гостите на појадокот почнаа да ја слушаат дневната програма.
На еден од првите панели, извршната директорка на „Ситигруп“ (Citigroup), Џејн Фрејзер, ја пофали „цврстата структура“ на финансискиот систем и рече дека продажбата го отстранила главниот извор на несигурност.
Како што одминуваше денот, реакциите на банкарите беа сè помешани. За некои, продажбата на „Фрст рипаблик“ претставува кулминација на двомесечната сага што зафати неколку регионални заемодавци. За други, тоа предизвикува вознемиреност поради постојаната криза што се прелеа на пазарот на недвижности.
Прочитај повеќе
„Фрст рипаблик“ стана втора по големина пропадната банка во САД
Банката имаше актива во вредност од 229 милијарди долари, a на врвот на листата е „Вашингтон мјучуал“.
01.05.2023
Тоне уште една банка во САД, „ЏП Морган“ ќе ја спасува со преземање
Американската банка „Фрст рипаблик“ е преземена од регулаторите и ќе биде купена од „ЏП Морган“ откако досегашните напори за нејзино спасување не успеаја.
01.05.2023
Раководителите на банкарската индустрија го окарактеризираа договорот како стабилизирачки. „'Отпорност' е збор на годината“, рече Џеј Кофи, глобална шефица за бизнис и главна директорка за корпоративни работи во БНЈ (BNY Mellon Corp). Нејзината банка беше една од оние што учествуваа во инфузија на готовина од 30 милијарди долари во „Фрст рипаблик“ во март, што, како што кажа таа, било „неопходна работа“.
Сепак, таа укажа на потребата регулаторите да копаат во она што се случило. „Треба да се погрижиме да се разберат основните причини“, нагласи Кофи.
Во вториот најголем банкарски колапс во историјата на САД, регулаторите ја презедоа пропаднатата „Фрст рипаблик“, четвртиот по големина заемодавец. „ЏП Морган“ се согласи на преземање откако приватните спасувачки пакети не успеаја да ја затворат дупката во билансот на заемодавецот со седиште во Сан Франциско, додека клиентите ги повлекуваа своите депозити.
„Во споредба со колапсот на банката ’Силикон валеј’ (СВБ), кој предизвика многу превирања, реакциите за преземањето на ’Фрст рипаблик’ беа многу различни“, рече Џо Жао, партнер во фондот за ризичен капитал „Миленија капитал“ (Millennia Capital), на конференцијата на „Милкен“. „Откако акциите на ’Фрст рипаблик’ паднаа, фондовите за ризичен капитал и стартапите отворија повеќе банкарски сметки во финтек-компании, од кои некои нудат осигурување депозити над лимитот од 250.000 долари на сојузниот регулатор FDIC“, рече Жао.
Bloomberg
„Повеќето менаџери на фондови за ризичен капитал и технолошки претприемачи веќе се подготвени за тоа“, рече тој.
Ешли Вокер, директорка во групацијата за пазари на капитал во „Џеферис“ (Jefferies Financial Group), рече дека периодот по колапсот на СВБ помогнал да се ограничат шоковите на пазарот.
„Луѓето се чувствуваат како ова да се изолирани настани, а не се системски ризик“, посочи таа.
Сепак, договорот со „Фрст рипаблик“ предизвика големо внимание во „Беверли Хилтон“, каде што имаше толку малку простор што многу присутни седеа на подот во ходникот или стоеја и јадеа лосос и ориз.
За Стивен Меклург, главен инвестициски директор на „Валкири“ (Valkyrie Investments), договорот има лични последици: Сега, откако пред три години се пресели од „Чејс“ во „Фрст рипаблик“, тој се враќа на почеток.
„’Фрст рипаблик’ имаше нула провизии, многу висока каматна стапка на сите ваши депозити, многу атрактивна понуда и приватни банкари што секогаш ви беа на располагање, додека 'Чејс' е многу комерцијализиран, многу бирократски“, рече тој.
Другите учесници беа повнимателни. Ендрју Милграм, главен инвестициски директор на „Марбелгејт“ (Marblegate Asset Management), на панелот изјави дека банките не се доволно транспарентни, особено околу книгите за кредити. Тој рече дека е разумно да се зголеми надзорот врз заемодавците, што за возврат ќе ги зголеми трошоците за капитал и ќе доведе до тоа повеќе компании да продаваат средства - потенцијална можност за инвестициските фирми.
Претприемачот Стивен Мидеби беше подиректен: „Не е готово. Пропаднатите банки ги урнаа нивните портфолија со обврзници и тоа ќе продолжи да ги ослабува регионалните играчи со слични биланси“, рече тој, пиејќи ледено капучино. „Колапсот е завршен само ако мислите дека каматните стапки паѓаат, а не е така“.
