Глобалното богатство на домаќинствата се намали претходната година за првпат по финансиската криза во 2008 година, бидејќи инфлацијата и апрецијацијата на американскиот долар збришаа околу 11,3 трилиони долари од средствата. Вкупното нето приватно богатство низ светот се намали за 2,4 отсто, на вкупно 454,4 трилиони долари, според годишниот извештај за глобалното богатство на „Кредит Свис“(Credit Suisse) објавен во вторникот. Најголем дел од падот се почувствува во северноамериканските и европските домаќинства, кои загубија заедно 10,9 трилиони долари. Но не сите региони претрпеа удар на богатството. И покрај влијанието на санкциите, Русија забележа голем пораст на богатството во текот на годината, додавајќи дополнителни 56 милионери на листата, според податоците од извештајот.
Bloomberg Mercury
Латинска Америка забележа раст на богатството од 2,4 трилиони долари, потпомогнат од зголемување на вредноста на валутата од 6 отсто во однос на американскиот долар. Истражувањето ги опфати проценетите имоти на 5,4 милијарди возрасни луѓе во светот и низ целиот спектар на богатство. „Еволуцијата на богатството се покажа отпорна за време на панедемиската ера и растеше со рекордно темпо во текот на 2021 година. Но инфлацијата, зголемените каматни стапки и депрецијацијата на валутата предизвикаа пресврт во 2022 година“, рече Нанет Хехлер-Фајд Хербе, глобален шеф за економија и истражување во „Кредит Свис“. Макроекономијата исто така го намали бројот на милионери за 3,5 милиони, на околу 59,4 милиони луѓе.
Еден отсто од листата најбогати луѓе во светот го загубија својот удел во богатството за 44,5 отсто. Но експертите на студијата очекуваат на глобално ниво богатството да се зголеми на 629 трилиони долари до 2027 година, или за 38 отсто. А бројот на милионери би можел да достигне 86 милиони луѓе до 2027 година од околу 60 милиони во 2022 година.
.webp){kind=icon}
