Цирих стана еден од најжешките пазари за домување во Европа, со цени кои ги надминуваат оние во Лондон и Париз и покажуваат како локалниот недостиг може да го надомести зголемувањето на каматните стапки.
Со побарувачката во швајцарскиот финансиски центар која е зголемена поради вработувањата од компании, вклучително и „Гугл“, становите во централната област на Цирих достигнуваат рекордни суми од над 18.000 евра по квадратен метар, што е двојно повеќе од Лондон, според податоците собрани од „Блумберг“.
Дури и на периферијата од кантонот Цирих, кој вклучува некои оддалечени планински села, но и домови за повеќе станари, цените се речиси на ниво на Париз. Тие цени се зголемија за 5,8 отсто во август во однос на претходната година - најголем пораст во последните 16 месеци.
Во моментов повеќе од 5.000 луѓе од 85 земји работат за „Гугл“ во Цирих
Bloomberg
Додека Париз, Виена и Берлин забележаа пад од година во година во нивните најнови месечни бројки, цените на најголемиот дел од пазарите што ги следи „Блумберг сити тракер“ (Bloomberg City Tracker) сè уште растат - иако трендовите се забавени.
Трендовите од месец во месец покажуваат дека цените на огласите се главно послаби во деветте градови што ги следи „Блумберг“, иако активноста обично е бавна во текот на летните месеци. За да ги долови најновите трендови на пазарот на домување во европските градови, „Блумберг“ собира бројки од низа провајдери. Некои бараат стапки и индикативни нивоа, додека други се официјални бројки за трансакциите.
И покрај имотната криза во Шведска, цените во Стокхолм - каде што има недостаток на опции за изнајмување - се зголемија за 4,3 отсто од пред една година. Мадрид и Милан, кои имаа помал бум за време на ерата на евтини пари, забележаа зголемување од повеќе од 3 отсто. Зголемувањето на цените во сите три града беше побавно од претходните месеци.
„Блумберг сити тракер“
Bloomberg
Сепак, Цирих јасно се издвојува. УБС (UBS Group AG), што има седиште во градот, го рангираше дека има најголем ризик во светот да страда од балон на недвижности.
Домовите во швајцарскиот град чинат над 50 отсто повеќе од пред една деценија. Зголемениот број на луѓе со високи приходи помогнаа да се зголемат цените, кои сè уште не се прилагодени на повисоките каматни стапки, објави банката извештај од средата.
Зголемената побарувачка од имиграцијата се судира со ограничената понуда и ги неутрализира повисоките каматни стапки, а трендот веројатно нема да се промени наскоро, според Александар Кох, економист во „Рајфајзен“ (Raiffeisen Switzerland).
„Имаме мала понуда, но во исто време имаме зголемена побарувачка поради растот на вработеноста и имиграцијата“, посочи тој. „Прашањата со недвижностите се секогаш многу тешки во политиката и спроведувањето обично трае многу години“.
Брзото темпо на раст на швајцарскиот пазар за недвижности ја зголеми загриженоста и во централната банка. Иако моментумот се олади неодамна, Швајцарската народна банка во четвртокот соопшти дека „ранливостите“ остануваат.
Сместен меѓу планини и големо езеро, Цирих има природни граници за тоа колку домување може да понуди. Но, високите плати и убавото опкружување се привлечни за луѓе од целиот свет. Околу една третина од речиси 450.000 жители на градот се странци.
.webp){kind=icon}
