Финансии

Пропаднатата СВБ банка најави враќање

Извор: Paige Smith/Bloomberg

26 октомври 2023, 22:46

Директорите на „Силикон валеј“ се собраа на конференција во Лас Вегас

Целта беше да се испрати порака: банката се врати

„Не се плашиме да ја вратиме довербата“, рече шефот за продажба на производи

Пропаднатата СВБ банка најави враќање

Bloomberg

Во тивок, конференциски простор сместен во хотелот „Венишан“ (Venetian) во Лас Вегас, директорите на банката „Силикон валеј“ (СВБ) - заемодавец кој тесно соработуваше со технолошки компании и пропадна откако се соочи со одлив на депозити - се собраа да испратат порака: банката се враќа.

Откако бизнисот пропадна за неколку дена, а потоа доби поддршка од регионалниот заемодавец „Фрст ситизенс банкшерс“ (First Citizens BancShares Inc.) - иако сè уште го носи своето старо име, функционира како единица на First Citizens - таа се бори да придобие назад клиенти и да се репозиционира како финансиски партнер за стартапи и фондови за ризичен капитал.

„Не се плашиме да ја вратиме таа доверба“, рече во интервју Кристофер Холинс, шеф за продажба на производи.

Компанијата беше меѓу илјадниците кои присуствуваа на годишната конференција Money 20/20 во Лас Вегас оваа недела, еден од најголемите настани за директори за финансии, технологија и плаќања. Тие се собраа заедно со регулаторите, инвеститорите и адвокатите за да разговараат за индустријата која се соочува со притисок додека пандемискиот бум се намалува. Број еден на агендата на настанот се „довербата и неизвесноста“.

СВБ го искористи моментот да ја пренесе својата порака - во просторот каде што беше отворена конференцијата беа поставени огромни екрани кои ги рекламираа нејзините понуди, меѓу кои и еден со малку ироничен тон:

„'Силикон валеј' може да ви помогне од МВП (MVP) до ИПО (IPO). Да, СВБ“.

Но, раковидителите на банката кои зборуваа на состанокот го признаа предизвикот што им претстои. Не само што заемодавeцот треба да ја заслужи довербата на клиентите, туку се соочува и со свет во кој ривалите сакаат да ја пополнат празнината што ја остави. „ЏП Морган“ (JPMorgan Chase & Co.), на пример, собира ресурси за да стане нов финансиски партнер за стартапи, додека регионалниот заемодавец „Ситизенс фајненшл“ (Citizens Financial Group Inc.) штотуку отвори приватна банка за да привлече богати клиенти.

Но, СВБ почна да гледа враќање на штедачите и инвеститорите кои ги повлекоа своите пари претходно оваа година. Банката пропадна откако матичната „СВБ фајненшл груп“ (SVB Financial Group) објави загуби на своите инвестиции, што ги турна нејзините акции во слободен пад. Депонентите и инвеститорите ги повлекоа своите пари - обидувајќи се да повлечат 42 милијарди долари за еден ден - и банката влезе во стечајна постапка на Федералната корпорација за осигурување на депозити (FDIC) пред да биде ставена на аукција.

„Многу од нив се вратија кај нас и рекоа: „Ми се допаѓа она што го добивав. Сакам да се врати назад“, рече Гаган Кањлија, главен директор за производи на СВБ, на посебен состанок на конференцијата. „Банката и натаму има најголема популација на банкари и експерти фокусирани на иновациската економија“, додаде тој.

Портпаролот на фирмата подоцна изјави дека „неколку“ клиенти на банката на крајот ги прекинале нивните односи со заемодавецот.

Тоа не ја спречи чудната шега на сметка на банката да се пробие низ некои од панелите на конференцијата, дури и ако расположението беше попригушено отколку во претходните години. По бумот на дигиталните плаќања и онлајн купувањето предизвикан од пандемијата што ги воодушеви инвеститорите, индустријата сега се бори со изгледите за забавување на економијата и зголемените ризици од рецесија поради повисоките каматни стапки. Тука се и намаление вреднувања и нарушените акции. „Пејпал“ (PayPal Holdings Inc.) и платежниот гигант на Џек Дорси, „Блок“ (Block Inc.) паднаа за повеќе од 80 отсто од нивниот врв од ерата на Ковид.

Сепак, постоеше оптимизам околу вештачката интелигенција, со дискусии за тоа како може да се искористи за оптимизирање на повторливите функции или да помогне во решавањето на сложените предизвици во секторите како што е здравството. Разговорот за крипто беше тивок по повеќе од една година нестабилност и проблеми.

Поради тековното макроекономско опкружување, повеќе фактори пропаднаа за финтек компаниите, рече Бен Хоровиц, ко-основач на фирмата за ризичен капитал a16z, во неделата навечер на главната сцена на конференцијата. „Постојат цела низа регулаторни прашања кои, исто така, на некој начин го ставаат финтекот во воена состојба во моментов, но мислам дека можности сè уште постојат“.

Сите новости од рубриката Бизнис

Бизнис

ЕУ казни дел од автомобилските гиганти со 458 милиони евра за картелско здружување
Компании

ЕУ казни дел од автомобилските гиганти со 458 милиони евра за картелско здружување

Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција.

пред 17 часа

„Волт“ започна со работа во Македонија
Компании

„Волт“ започна со работа во Македонија

Глобално познатата компанија за испорака „Волт“ стартува со работа во земјава со мрежа од неколку стотици партнерски ресторани и трговци на мало и мрежа од неколку десетици курирски партнери.

01.04.2025

Автор: Игор Смилевски

сите новости од рубриката Бизнис

Регистрирајте се за да продолжите со читање. Регистрирајте се

Продолжете со читање со одбирање на една од опциите подолу

БЕСПЛАТЕН НАЛОГ

Прочитајте го овој и уште четири други текстови (не се однесува на премиум текстови)

Бесплатен билтен

Регистрирај се

Претплата

Неограничен пристап до премиум содржина на сите 5 портали

Неограничен пристап до ТВ и видео содржина

Ексклузивни приказни и анализи од Businessweek Adria

Истражете ги понудите

Активирајте уште една бесплатна статија и продолжете со читање.

Отклучи сега

Искористивте еден бесплатен текст.

Го цениме вашиот интерес за веродостојни информации. Активирајте уште една бесплатна статија и продолжете со читање.

Отклучи сега

Искористете ја ексклузивната понуда денес! Читајте неограничено за 1 € неделно.

Добијте неограничен пристап денес

Продолжете

Искористете ја ексклузивната понуда денес! Читајте неограничено за 1 € неделно.

Вашите конкуренти веќе го знаат ова. Дали ќе останете тивки?

Приклучете се сега за само 11 € месечно!

Истражете ги понудите