Поволната клима на Кипар, со околу 330 сончеви денови во годината, и проширувањето на аеродромот во Ларнака, треба да донесат од 15 до 18 милиони нови туристи на островот во следните две до три години. Сè тоа влијаеше на брза изградба на станови во кои инвестираат инвеститори од Европа, а се повеќе и од регионот на Адрија.
Цените на недвижностите се повисоки на грчкиот дел од островот и се движат од околу 9.300 до 17.500 евра, додека на турскиот дел квадратен метар чини приближно од 2.300 до 4.600 евра.
Синиша Дагари од „Инвестра Ентерпрајсес“ (Investra Enterprises), агенција за недвижности со седиште во северниот дел на Кипар за „Блумберг Адрија“ објаснува дека грчкиот дел од островот се развивал во претходните години како резултат на поддршката што ја добиле од Европската унија (ЕУ) и дека во северниот дел на островот Турција финансирала проект за свежа вода, а Англија проширување на аеродромот во Ларнака, што доведе до развој и на тој дел.
„Порано беше најголемиот аеродром во северниот дел на Кипар, а сега е трипати поголем. Во следните две-три години се очекуваат 15 до 18 милиони нови туристи, бидејќи на Кипар имаат 330 сончеви денови во годината. а температурата на морето е дури и во декември од 22 на 25 степени. Туризмот порасна многу во последните две-три години, па во 2022 година имаше два милиони туристи, а проценката за 2023 година е четири милиони“, посочува Дагари.
Во следните пет до шест години, нагласува тој, може да се очекува раст на цените на недвижностите и до 80 отсто.
„Има многу можности за инвестирање, како и за изнајмување недвижен имот, за враќање на капиталот. Сезоната е долга, 330 сончеви денови. На пример, сезоната во Хрватска трае четири до пет месеци, а на Кипар трае од девет до десет месеци, а исто така и во зима, кога времето е најлошо, просечната температура е од 22 до 25 степени, така што зимата е исто така одлична сезона“, вели Дагари.
Синиша Дагари/Блумберг Адрија
Во северниот дел на Кипар има недостиг од 100.000 станови
Во последните две или три години во северен Кипар се изградени околу 50.000 станови, но, според Дагари, се‘ уште се потребни најмалку 100.000 станови за да се задоволат барањата на новите купувачи.
„Тие бројки не беа пресметани при отворањето на новиот аеродром, бидејќи се чекаше на тоа, па се проценува дека сега побарувачката ќе биде четири пати поголема. Се очекува многу голем пораст на сообраќајот, од 200 на 300 проценти во следните три до пет години“, прогнозира Дагари.
Причините за зголемените инвестиции во недвижности се економската ситуација во Европа, можната рецесија и дигиталното евро поради што „луѓето сакаат да го заштитат својот капитал“.
Луѓето од Балканот инвестираат во недвижен имот на Кипар
Дагари вели дека до минатата година Турците, Украинците, Русите, Иранците, Израелците инвестирале многу во недвижности на Кипар...
„Во последната половина година многу луѓе дојдоа од Балканот - од Србија, Словенија. Почнаа да инвестираат и луѓе од Босна и Херцеговина, Хрватска, Австрија, Германија, Шпанија, Словачка, Чешка...“, набројува тој.
Најголемиот број инвеститори од регионот, кои инвестираат во недвижен имот на Кипар, додава тој, се од Србија - повеќе од 2.000. По Србија, инвестираат и Словенците - повеќе од илјада од нив.
„Сега почна, луѓето имаа многу погрешни информации, дека е непризнаена земја, дека е окупирана. Тоа беше конфликтот до пред можеби три до пет години, а тие факти веќе не се исти. Ситуацијата е подобрена, следеше развој на островите, а се очекува тој да биде уште поинтензивен во следните пет до седум години“, вели Дагари.
Инвеститорите од повеќе од 20 земји првенствено беа привлечени од директните летови за Кипар, а Турција почна да ги промовира преку сите канали на „Туркиш ерлајнс“. „Тоа ги повлече инвеститорите“, истакнува Дагари.
Кипар/Инвестра Ентерпрајсес
Тој додава дека првото нешто што треба да го разберат заинтересираните за инвестирање во Кипар е дека северниот дел на Кипар, иако е поврзан со Турција, всушност е посебна земја.
„Постојат англиски закони. Тоа им дава голема сигурност на инвеститорите, а и одлична можност за добар приход. Законот ги штити инвеститорите. За 150.000 евра може да се купи луксузен стан од 100 квадрати, а кога ќе се заврши вреди 250 -300 илјади евра, се изнајмува приближно од 150 до 180 евра дневно“, посочува Дагари.
Тој предвидува дека пазарот на недвижности во ЕУ ќе падне за најмалку 20,25 проценти во следните две до пет години. „Затоа можеби е идеално време да ги преместите парите некаде на безбедно, за да имате добар поврат на капиталот за следните три до пет години од кризата“, заклучува Дагари.
.webp){kind=icon}