.webp){kind=icon}
Студентите кои ќе дипломираат оваа пролет влегуваат на пазарот на труд во чудно време: стапката на невработеност во САД е на најниско ниво во последните 50 години додека истовремено се спроведуваат големи бранови на отпуштања, некои компании воведоа замрзнување за нови вработувања, а се повторуваат и предупредувањата за рецесија.
Генерацијата Зед бара стабилност, па многу нови дипломирани студенти, плашејќи се од економска несигурност, ја прошируваат потрагата во обидот да ја најдат својата прва работа.
Топ 25 работни места за дипломирани студенти
Bloomberg
За лицата кои сè уште бараат работа и наскоро ќе дипломираат, „Индид“ (Indeed) ги анализираше почетните позиции со просечна годишна плата над 40.000 американски долари за да ги идентификува оние за кои постои најголем интерес во САД. Овие резултати се рангирани во две листи: една за работни места со високо образование и една за работни места без факултетска диплома.
Работните места на почетно ниво се дефинираат како позиции за кои не е потребно повеќе од три години искуство, а интересот се мери со проценка на растот на уделот во огласите за секоја позиција од септември до февруари, во однос на истиот период од претходната година.
Топ 25 работни места од почетно ниво за кои не е потребна диплома
Bloomberg
Некои од овие позиции можеби не се најпривлечни - првите три работни места за дипломираните студенти се претставник за продажба, координатор за транспорт и ревизор за квалитет - но многу од нив нудат солидна почетна плата и професионално искуство потребно за брз старт на кариерата.
