.webp){kind=icon}
„Блумберг бизнисвик Адрија“ и годинава избра топ 50 личности што имаа значајно влијание во 2023 година, а нивните постигнувања имаат и безвременска големина. Меѓу нив има и доста успешни жени.
Издвојуваме кои се топ 10 меѓу избраните.
Лана Пудар, пливачка
Fena
Во 2023 година, 17-годишната Лана Пудар испиша историја за спортот во Босна и Херцеговина, освојувајќи девет европски и светски медали, пет златни, два сребрени и два бронзени. Се издвојуваат двата златни медала на Светското првенство за јуниори во Израел и трите златни медали на Европското првенство за јуниори во Белград, како и сениорската бронза од Европското првенство во кратки базени. Таа учествуваше во 12 големи финалиња и постигна две олимписки норми за настап на Олимписките игри во Париз во 2024 година. Пудар постигна шест рекорди, два европски јуниорски рекорда, три рекорди на јуниорските првенства, еден рекорд на светските првенства и го освои пехарот за најдобра пливачка на Светското јуниорско првенство.
Прочитајте повеќе овде
Адиса Азапагиќ, првата жена со медал „Дејвис“
University of Manchester
Во 2023 година, Адиса Азапагиќ го доби престижниот медал „Дејвис“ од Институтот за хемиски инженери за нејзиниот исклучителен придонес во хемискиот инженеринг. Првата жена добитник на оваа награда, Азапагиќ е пионерка на одржливото хемиско инженерство на Универзитетот во Манчестер.
Нејзиното лидерство во одржливото производство и придонесот во намалувањето на јаглеродниот отпечаток, процената на животниот циклус и одржливоста ѝ ја донесоа наградата „Орден на Британската Империја“ во 2019 година.
Прочитајте повеќе овде.
Ана Рош Стојан, најдобрата готвачка во регионот
STA
Во ноември 2023 година, Ана Рош Стојан го зазеде третото место на листата на најдобри готвачи во светот (The Best Chef Awards 2023). Таа е единствената жена меѓу првите десет најдобри готвачи во светот и единствената претставничка на Словенија на листата на 100-те најдобри готвачи во светот.
Нејзиниот ресторан „Хиша Франко“ во Кобарид го зазеде 32-то место на листата од 50 најдобри (The 50 Best Avards 2023).
Прочитајте повеќе овде.
Барбара Матиќ, џудистка
Cropix
Најодликуваната хрватска џудистка Барбара Матиќ минатата година освои два бронзени медала. Пролетоска беше трета на Светското првенство во Катар, а потоа есеноска го освои третото место на Европското првенство во Монпелје.
Со сограѓанката Лена Стојковиќ ја подели наградата за најдобра спортистка во Хрватска во 2023 година, по избор на Хрватскиот олимписки комитет (КОК).
Прочитајте повеќе овде
Даниела Јовиќ, иницијаторка на хрватскиот вселенски проект „Крокјуб“
Bloomberg Businessweek Adria
Во јуни годинава првиот хрватски сателит „Крокјуб“ треба да полета во вселената. Иницијаторка и носителка на тој пионерски хрватски вселенски проект е Даниела Јовиќ, Словакинка што се преселила во Хрватска поради љубовта кон астрономијата.
„Крокјуб“ е наносателит опремен со камера и со технолошки експеримент „Астротрон 1000“.
Прочитајте повеќе овде.
Александра Пријовиќ, балканска Тејлор Свифт или сепак не?
Dragan Karadarević/Beta
Две илјади дваесет и третата година сумирана во една реченица за Александра Пријовиќ - млада пејачка што на својата балканска турнеја ги исполни белградската „Арена“, загрепската „Арена“, сараевска „Зетра“, нишки „Чаир“, тузлански „Мејдан“, а веќе има закажано во рекордно време три концерти по ред во Осиек за 2024 година. Музичкиот вкус може да кажува едно, но бројките зборуваат сами за себе. А тие велат дека Александра Пријовиќ е првата жена изведувач што наполнила три белградски „Арени“, од што, според некои процени, заработила милион евра.
Прочитајте повеќе овде.
Јања Гарнбрет, спортска качувачка на карпи
Bloomberg Businessweek Adria
Словенечката спортска качувачка Јања Гарнбрет го освои десеттото место во изборот за најдобри спортистки во светот во 2023 година на шпанскиот спортски весник „Марка“. Таа лани освои два златни медала на светските првенства и повторно стана спортистка на годината во Словенија.
Прочитајте повеќе овде.
Лена Стојковиќ, светска и европска шампионка во теквондо
Pixell
Лена Стојковиќ го освои златото на Светското првенство во теквондо во Мексико и со тоа стана светска и европска сениорска шампионка во 2023 година, на само 20 години.
Таа го освои златото и на Европските игри, па самоуверено го држи првото место на светскиот пласман во конкуренција на 347 спортистки во нејзината категорија.
Прочитајте повеќе овде.
Марија Јосифовска Спасовска - глас против врсничкото насилство
Bloomberg Businessweek
Поттикна лавина акции во целото македонско општество, а кампањата, која во земјата се организира под водство на нафтената компанија „Макпетрол“ и директорката за човечки ресурси Марија Јосифовска Спасовска, како ниедна досега ги мобилизира институциите - молкот да стане гласен збор кога е во прашање врсничкото насилство.
Станува збор за кампањата „Крени глас против врсничкото насилство“, која произлезе со цел да поттикне промени во начинот на кој се сфаќа врсничкото насилство, но и кои чекори треба да се преземат за таквото однесување да биде препознаено и спречено.
Прочитајте повеќе овде.
Марта Златиќ, научничка
MRC LBM
Марта Златиќ е хрватски невролог и водач на група во Лабораторијата за молекуларна биологија на МРЦ (MRC) во Кембриџ. Нејзиното истражување се фокусира на тоа како нервните мрежи генерираат однесување.
На почетокот на 2023 година меѓународна научна група под нејзино раководство во списанието „Сајенс“ (Science) објави мапа на мозокот на ларвата на винската мушичка (лат. Drosophila melanogaster), која е првата целосна мозочна мапа на сложено животно.
Прочитајте повеќе овде.
