text size
Компаниите изложени на слободниот пазар ја преживуваат најтешката година од нивното постоење, покажува искуството на членките од Стопанската комора на Македонија (СКМ).
„Забележани се состојби каде што се враќаат одредени производи кои се веќе наменети за извоз поради неконкурентната цена. Констатирано е дека на домашниот пазар веќе се идентификувани состојби каде што македонските производи се поскапи и понеколкурентни во однос на тие кои што се од увоз“, вели Анета Трајковска, потпретседател на Стопанската комора на Македонија во рајзговор за Блумберг Адриа ТВ.
Особено е изразена состојбата кај тие компании кај кои што учеството на трошокот за електрична енергија во вкупните трошоци за производство надминува 10 проценти по производ. И тука нема многу простор за маневри, велат од Стопанската комора. Едно од решенијата е тоа што дел од планираните инвестиции во процесот на работа компаниите ги пренаменуваат за инвестиции во алтернативни извори на енергија, но и тоа не е доволно зашто на тој начин во просек се покрива од 20 до 40 проценти од потребите за енергија на компаниите.
Иако нема многу простор за маневрирање во насока да се ублажат последиците од енергетската криза, сепак од Стопанската комора сугерираат да се најдат соодветни компромиси за поддршка на стопанството. Предлагаат да се намалат непродуктивните трошоци од буџетот и парите да се пренаменет токму кон поддршка на компаниите кои се снабдуваат со струја на отворениот пазар.
Во изминатите три недели кризниот штаб на СКМ и делегација предводена од претседателот на комората, Бранко Азески, се често на терен за директно да ги увидат состојбите во работењето, вели Трајковска.
„Генерално, состојбите на терен покажуваат дека малите компании се обидуваат да се справат со предизвиците и имаат одредена извесност во планирањата бидејќи тие се снабдуваат од регулираниот пазар на електрична енергија, кој што е субвенциониран на одреден начин“, вели Трајковска. „Останува неизвесноста за средните и големите компании, кои што веќе четврти месец по ред имаат сериозни финансиски импликации во работењето. Тоа се околу 1.600 компании кои што се дирекно на Хупекс берзата за електрична енергија“, додава потпретседателката на Стопанската комора.
Погледнете го целото видео со разговорот со Анета Трајковска, потпретседател на СКМ.
.webp){kind=icon}
