.webp){kind=icon}
Компанијата мајка на „Гугл“ (Google), „Алфабет“ (Alphabet Inc.), најави дека ќе укине околу 12.000 работни места, што е повеќе од шест отсто од глобална работна сила на оваа компанија, со тоа ќе стане најновиот технолошки гигант кој го запира долгогодишниот силен тренд на раст на вработувањата.
Кратењата ќе влијаат на работните места на глобално ниво и низ целата компанија, рече главниот извршен директор, Сундар Пичаи, во е маил порака до вработените денеска, пишувајќи дека ја презема „целосната одговорност за одлуките што нè доведоа овде“.
Акциите на „Алфабет“добија дури 1,8 отсто на тргувањето во Њујорк во петокот по објавувањето на огласот. Во текот на минатата година пак, акциите паднаа за околу 30 отсто.
Со отпуштањата, „Гугл“ им се придружува на голем број други технолошки гиганти кои драстично ги намалија операциите во услови на нестабилна глобална економија и зголемена инфлација. „Мета Платформс“ (Meta Platforms Inc.), „Твитер“ (Twitter Inc). и „Амазон“ (Amazon.com Inc.) го намалија бројот на работници.
„Ова се важни моменти да го изостриме нашиот фокус, да ја реструктуираме нашата база на трошоци и да го фокусираме нашиот талент и капитал кон нашите највисоки приоритети“, напиша Пичаи во елктронската пошта.
Тој рече дека компанијата има „значајна можност пред себе“ мислејќи на вештачката интелигенција, клучна област на инвестиции каде „Гугл“ неодамна се соочи со зголемена конкуренција.
Пичаи рече дека на засегнатите работници ќе им бидат исплатени најмалку отпремнини за 16 недели и уште здравствено осигурување за шест месеци во САД, додека другите региони ќе добијат пакети засновани на локалните закони и практики. Ова нема да влијае на бонусите, рече тој.
Во октомври, компанијата објави заработка и приход во третиот квартал што ги надмина очекувањата на аналитичарите. Профитот падна за 27 отсто на 13,9 милијарди долари во споредба со претходната година. Во тоа време, Пичаи рече дека „Гугл“ ќе ги намали трошоците, а главниот финансиски директор Рут Порат рече дека бројот на нови работни места во четвртиот квартал ќе се намали за повеќе од половина од претходниот период.
Укинувањето на работните места следеше по притисокот од инвеститорите да усвојат поагресивна стратегија за ограничување на трошењето. Во ноември, „ТЦИ Фонд Менаџмент“ (TCI Fund Management Ltd.) во отвореното писмо, го повика гигантот за пребарување на Интернет јавно да постави цел за профитни маржи, да го зголеми откупот на акции и да ги намали загубите во своето портфолио на „Адер бетс“ (Other Bets), одделот на „Алфабет“.
„Компанијата има премногу вработени и трошоците по вработен се превисоки“, рече извршниот директор на „TЦИ“, Крис Хон, истакнувајќи дека бројот на вработени пораснал за 20 отсто од 2017 година.
„Гугл“ направи голем број потези за намалување на трошоците во последниве месеци, меѓу кои и откажувањето на следната генерација на својот нов тип лаптоп „Пикселбук“ (Pixelbook). Претходно во јануари, биотехнолошката единица на „Алфабет“, соопшти дека отпушта 15 отсто од својот персонал.
Од 2017 година, компанијата ја зголеми повеќе од двојно својата работна сила, која достигна 186.779 во последниот квартал.
Според консултантската компанија за човечки ресурси Challenger, Gray & Christmas Inc., најмногу кратења на работни места во 2022 година имало во технолошкиот сектор - 97.171 годишно, што е за 649 отсто повеќе од претходната година.
