Тикток (TikTok) го ограничува бројот на песни што корисниците можат да ги објавуваат на својата апликација. Експериментот го применува за да процени колку ја почитуваат музиката во нивните видеа. „Креаторите на содржини нема да може да користат одредени песни“, пишува во соопштението од компанијата. Тестот се спроведува на дел од корисниците на Тикток во Австралија.
„Ова ќе влијае само на одредена музика и е работа планирана за да анализираме како се пристапува до звуците и како се додаваат на видеата, а се обидуваме и да ја подобриме и прошириме аудиотеката“, велат од компанијата.
Проектот ги загрижува големите музички издавачки куќи, кои веруваат дека Тикток и нејзината матична компанија, „Бајтденс“ (ByteDance Ltd), на крајот ќе ги користат резултатите од тестот како изговор за да им плаќаат помалку. Тикток и издавачките куќи не се согласуваат околу вредноста на музиката во целокупната популарност на апликацијата. Носителите на музички права тврдат дека нивните песни се основа за привлечноста на Тикток, додека Тикток ја гледа музиката само како еден дел од поширокото забавно искуство.
Ако користењето на апликацијата остане стабилно со помалку музика, Тикток може да тврди дека не треба да им плаќа толку многу на носителите на музички права. Ако употребата опадне, тоа ќе им помогне на музичките компании да ги зголемат своите барања. Носителите на права го притискаа Тикток да им даде поголем дел од приходите што ги добива од рекламирањето. Инаку, сега им плаќа паушална такса. Музичките компании би сакале „Бајтденс“ да инвестира повеќе во платен стриминг и да го поврзе Тикток со „Ресо“ (Resso), платениот стриминг-сервис, исто така во сопственост на компанијата. На тој начин „Бајтденс“ може да го користи Тикток, кој привлече повеќе од една милијарда корисници, како канал кон попрофитабилниот бизнис со стриминг на музика. „Сони мјузик“ (Sony Music) минатата година ги симна своите песни од „Ресо“, откако двете страни не можеа да се договорат за условите.
.webp){kind=icon}
Во моментов нема коментари за веста. Биди прв да коментира...