Седењето зад воланот на блескав нов „Мерцедес-Бенц“ (Mercedes-Benz) наскоро може да стане далечен сон за сите освен за најбогатите.
Просечната цена на „Мерцедес“ минатата година достигна 72.900 евра – скок од 43 отсто во споредба со нивото од 2019 година. Зголемувањето на цената доаѓа во тандем со одлуката на овој производител да се фокусира повеќе на најелитните модели, како што е „с-класа“ (S-Class), со цел да го зголеми профитот. Компанијата се обидува да ја задоволи зголемената побарувачка откако лани беше намалено производството поради недостиг од процесори.
„Мерцедес“ ги зголемува цените дури и за основните модели како „а-класа“. Сè повеќе, возачите можат да купуваат само верзии на возила што имаат непотребна дополнителна опрема како стандард.
Германскиот производител не е осамен во ваквите чекори. Низ светот, производителите профитираат од продажбата на помалку, но поскапи автомобили. Во САД, просечната месечна исплата за нови автомобили е речиси двојно зголемена во споредба со крајот на 2019 година. Бидејќи електричните автомобили честопати се поскапи од просечниот автомобил со мотор со внатрешно согорување, преминувањето кон електрични возила може да ја влоши кризата во однос на пристапноста на цените.
.webp){kind=icon}
Во моментов нема коментари за веста. Биди прв да коментира...