.webp){kind=icon}
Групацијата „Кредит суис“ (Credit Suisse) објави дека открила „материјални слабости“ во постапките за финансиски извештаи за 2022 и 2021 година и дека усвојува план за закрепнување.
„Во текот на две години, внатрешната контрола на групацијата врз финансиското известување не била ефективна“, посочуваат од банката во својот годишен извештај објавен во вторникот. „Управата, исто така, заклучи дека нашите контроли и процедури за откривање не биле ефективни“.
Банката минатата недела беше принудена да го одложи објавувањето на својот годишен извештај, откако американските регулатори во последен момент покренаа одредени прашања. „Кредит суис“ не прецизираше дали тие се решени.
Прочитај повеќе
„Кредит Суис“ загуби еден од најголемите поддржувачи
Инвестициската компанија „Харис асошиејтс“ од Чикаго го продаде целиот удел во банката „Кредит Суис“.
06.03.2023
„Кредит суис“ го одложи објавувањето на годишниот извештај
Американскиот регулатор во последен момент отвори одредени технички прашања за банката.
09.03.2023
Утврдените значајни слабости се однесуваат на неуспехот да се дизајнира и одржува ефективна проценка на ризикот во финансиските извештаи, велат од банката.
„PwC, независната јавна сметководствена фирма која изврши ревизија на финансиските извештаи за годината што заврши на 31 декември 2022 година, вклучена во овој годишен извештај, издаде негативно мислење за ефективноста на внатрешната контрола на групацијата врз финансиското известување на ден 31 декември 2022 година“, истакнуваат од „Кредит суис“.
