.webp){kind=icon}
Челниците на Тикток (TikTok) ја разгледуваат можноста да се разделат од кинеската матична компанија „Бајтденс“ (ByteDance Ltd), со цел да ги убедат американските власти дека социјалната мрежа не претставува ризик за националната безбедност на САД.
Одвојувањето, кое може да резултира со продажба или излез на берзата, во моментот се гледа како последна опција и ќе се разгледува само доколку разговорите со претставниците на безбедносните служби, кои во моментов се во тек, не дадат резултати, посочуваат извори, кои зборуваа под услов да останат анонимни. И во тој случај би била неопходна согласност од кинеските власти, додаваат изворите.
Според аналитичарите на „Блумберг“, Мандип Синј и Демијан Рејмерц, бизнисот на Тикток во САД моментално се проценува на вредност од 40 до 50 милијарди долари.
Прочитај повеќе
Земји го забрануваат Тикток, Македонија нема ниту закон за приватност
Експертите сметаат дека има повеќе причини за грижа, не само безбедноста на податоците при користење апликации.
15.03.2023
Тикток со нов проект ќе уверува дека е доверлива платформа
Со изградба на три бази на податоци во Европа, Тикток ќе ја враќа довербата дека ги штити корисниците.
08.03.2023
Канада се придружува кон ЕУ и САД во забраната за Тикток на владини уреди
Канада ќе им забрани на државните службеници да користат Тикток на мобилни уреди издадени од владата.
27.02.2023
Европската комисија им забрани на вработените да користат Тикток
Рокот за вработените да ја избришат апликацијата од сите уреди, вклучувајќи ги и личните, е 15 март.
23.02.2023
Платформата се наоѓа на линија на огнот бидејќи е во сопственост на кинеска компанија, поради што американските власти стравуваат дека апликацијата може да биде злоупотребена и искористена за шпионирање на американските граѓани. Претставниците на Тикток се обидуваат да ги отфрлат таквите стравови како неосновани. Работењето на компанијата моментално се истражува од Комитетот за странски инвестиции на САД, а Тикток е подложен на реформа наречена „Проект Тексас“. Некои од предложените измени се вклучување на технолошкиот гигант „Оракл“ (Oracle) во складирање на податоците и анализа на софтверот, како и формирање тричлен надзорен одбор што би го избирала извршната власт. Многу промени веќе се спроведуваат.
Сепак, „Цфиус“ (Cfius - групата на агенции задолжени за националната безбедност) го одолжува процесот на надзор, поради што раководството на Тикток не може да предвиди дали на компанијата ќе ѝ биде дозволено да работи во САД, велат изворите, додавајќи дека членовите на комитетот не се подготвени да ги прифатат предлозите на компанијата.
„Ниту забраната на Тикток ниту одвојувањето на компанијата од 'Бајтденс' не ја негира загриженоста за безбедноста на податоците“, рече Брук Оберветер, портпаролка на Тикток. „Според постулатите на 'Проектот Тексас', Тикток ќе ги третира податоците на американските корисници со поголема грижа од која било слична американска компанија“, додаде таа.
