Тикток се врати во САД: Апликацијата повторно во продавниците на „Епл“ и „Гугл“

„Епл“ (Apple) и „Гугл“ на „Алфабет“ вчера го вратија Тикток (TikTok) во нивните продавници за апликации по писмените уверувања од американскиот државен обвинител Пем Бонди дека забраната нема веднаш да се спроведе. Компаниите го отстранија Тикток во САД минатиот месец за да се усогласат со законот донесен во 2024 година. Во извршната наредба од 20 јануари, Доналд Трамп рече дека му наредил на јавниот обвинител „да се воздржи од преземање какви било дејствија за извршување во период од 75 дена од денес за да и дозволи на администрацијата да одреди соодветен курс на дејствување“.

Вчера вечер софтверот се врати во продавниците на „Епл“ и „Гугл плеј“.

Овој потег следи по неколкунеделна неизвесност за иднината на Тикток и сè уште нема гаранција дека апликацијата ќе опстане долгорочно во САД. Апликацијата накратко исчезна од пазарот минатиот месец за да се усогласи со федералната забрана, а потоа се врати откако Трамп вети дека ќе го запре спроведувањето на законот. Но, „Епл“ и „Гугл“не го вратија веднаш пристапот до „Тикток“во нивните продавници за апликации.

Американските пратеници ја усвоија забраната поради загриженоста за кинеската сопственост на „Тикток“, стравувајќи дека популарната апликација може да се користи за шпионирање на американските граѓани. Кина бара од нејзините компании да споделуваат податоци со владата.

Претставник на Тикток одби да коментира.

Федералниот закон, наречен Закон за заштита на Американците од странски противници преку апликации, беше поддржан и од демократите и од републиканците во Конгресот и беше потпишан како закон од претседателот Џо Бајден во април минатата година. Законот предвидуваше забрана на Тикток низ целата земја, освен ако „Бајтенс“ (ByteDance) не направи „квалификациско продавање“ до 19 јануари. Тоа значеше продажба на американскиот дел од компанијата.

Трамп првично ја поддржа забраната, но оттогаш го промени својот став. „Претпоставувам дека гледам на Тикток во попозитивно светло, што не беше првичната мисла“, рече тој по потпишувањето на извршната наредба.

Доколку Трамп не успее да постигне договор до почетокот на април за да ги реши грижите за националната безбедност во врска со моменталната сопственост на Тикток, апликацијата може повторно да се исклучи. „Бајтденс“ вели дека Тикток не е на продажба.

Напишано со помош од Александра С. Левин и Џули Лав

 

Во моментов нема коментари за веста. Биди прв да коментира...

Остави коментар