Тикток згасна во САД, платформата отстранета од продавниците на „Епл“ и „Гугл“

Тикток (TikTok) ги суспендираше своите услуги за корисници со седиште во САД, додека „Епл“ (Apple Inc.) и „Гугл“ (Google) ја отстранија платформата од нивните продавници за мобилни апликации за да избегнат казни според новиот закон, додека компанијата за социјални медиуми чека можно одложување на новата регулатива од новоизбраниот претседател Доналд Трамп за да продолжи со работа.

„Во САД е донесен закон за забрана на Тикток“, соопшти компанијата во известувањето на платформата до корисниците доцна во саботата. „За жал, тоа значи дека засега не можете да го користите Тикток“.

„Епл“ и „Гугл“го отстранија Тикток од нивните продавници за мобилни апликации во САД како што налага законот што стапи на сила во неделата. Тикток не успеа па правен пат да ја спречи мерката, која беше донесена минатата година за да се решат грижите за националната безбедност.

Трамп во саботата рече дека „најверојатно“ ќе му даде на Тикток 90-дневно одложување на законот, со што ќе и обезбеди повеќе време на матичната компанија „Бајтденс“ (ByteDance Ltd.),која што е во кинеска сопственост да најде купувач. Трамп, исто така, изјави за Ен-Би-Си (NBC) во ексклузивно интервју дека веројатно ќе го објави тоа во понеделник, откако ќе положи заклетва.

„Ние сме среќни што претседателот Трамп посочи дека ќе работи со нас на решение за враќање на Тикток откако ќе ја преземе функцијата“, продолжи Тикток во известувањето. „Ве молам останете во тек!“ Белешката, исто така, ги насочува корисниците на страница за „да научат повеќе“ каде можат да ги преземат своите податоци на Тикток.

Тикток реши да ја прекине достапноста доцна во саботата. Контроверзниот закон бара од технолошките компании што го хостираат или дистрибуираат Тикток во САД - како што се „Епл“, „Гугл“ и „Оракл“- да престанат да го прават тоа на 19 јануари.

Според законот, компаниите што ќе ги прекршат може да се соочат со огромни казни утврдени со равенка „5.000 долари по бројот на корисници“. Во земја каде што приближно половина од населението е на Тикток - апликацијата тврди дека има 170 милиони месечни корисници во САД - тие казни може брзо да се соберат.

Отстранувањето на апликацијата од продавниците за апликации немаше веднаш да ја исклучи услугата. Тиктокерите кои веќе ја преземале ќе можеа да продолжат да го користат, но не и да инсталираат софтверски ажурирања. Апликацијата би се влошила со текот на времето додека не станела неупотреблива. Со превентивното укинување на платформата офлајн одеднаш, и порано од предвиденото, Тикток има шанса да ја мобилизира својата огромна база на корисници во знак на протест. Можно е корисниците да бараат акција од политичките лидери како Трамп за да ја поништи забраната.

„Бајденс“, исто така, ги извести американските корисници дека оневозможува голем број други апликации што во земјата, вклучувајќи ги Кепкат (CapCut), Лемон8 (Lemon8) и Ларк (Lark), апликација за продуктивност слична на Слек (Slack). Подружницата за игри на „Бајтденс“, „Мунтун“ (Moonton), исто така ги оневозможи своите две мобилни игри.

Законот, потпишан минатиот април од претседателот Џо Бајден, бара од „Бајтденс“да го продаде својот американски бизнис за да ги реши грижите за националната безбедност, или ќе се соочи со затворање.

Тикток претходно се обиде да ја искористи својата популарност за да ја промени својата судбина. Компанијата побара од тиктокерите да го повикаат Конгресот да гласа против законот и да се обиде да го спречи да помине кога првпат беше воведен. Стратегијата во тоа време имаше контраефект, поттикнувајќи ги стравувањата на законодавците за влијанието на апликацијата врз американските корисници.

Но, со оглед на неодамнешната поддршка на Трамп за апликацијата, таа може да биде поефикасна овој пат.

Трамп, кој се обиде да го забрани Тикток за време на неговиот прв мандат поради грижи за националната безбедност, оттогаш се загреа за платформата за социјалните медиуми, шпекулирајќи дека таа му помогнала да придобие млади гласачи за време на изборите. Претходно овој месец, тој неуспешно се заложи за Врховниот суд да го одложи рокот за законот за да може да преговара за решение откако ќе дојде на функцијата.

Извршниот директор на Тикток, Шоу Чу, исто така помина време со Трамп во Мар-а-Лаго и се очекува да присуствува на неговата инаугурација во понеделник.

Дури и пред Тикток да ја направи апликацијата недостапна, лојалните креатори се организираа онлајн за да го притиснат Трамп да ги исполни ветувањата што ги дал во кампањата – дека ќе биде спасител на Тикток.

„Ова е ветување што го даде Трамп и тоа е ветување што тој го искористи за да натера голем број млади луѓе да гласаат за него“, изјави за „Блумберг“инфлуенсерката Тифани Сианчи пред неодамнешното појавување на компанијата пред Врховниот суд. „Го повикуваме да испорача веднаш“.