.webp){kind=icon}
„Тесла“ (Tesla Inc) уште еднаш ја намали цената на неколку од своите модели, што е дополнителен знак дека главниот извршен директор Илон Маск е подготвен да ја жртвува профитабилноста на производителот на електрични автомобили во услови на зголемување на каматните стапки, што може да ја наруши побарувачката на потрошувачите.
Производителот на автомобили со седиште во Остин, Тексас, на својата интернет-страница објави дека цената на моделот ипсилон (Model Y) со долг досег и погон на четири тркала ќе се намали за 5,6 проценти, на 49.990 долари, додека цената на изведбата на моделот ипсилон ќе падне за 5,2 процента, на 53.990 долари. Цената на моделот 3 (Model 3) со погон на задните тркала ќе се намали за 4,7 проценти, на 39.990 долари.
Bloomberg Mercury
Ова е второ намалување на цената на дел од возилата на „Тесла“ овој месец, бидејќи производителот на автомобили се обидува да ја поттикне побарувачката по неколку квартали со разочарувачки испораки.
Компанијата е на ретка позиција меѓу производителите на електрични возила да има големи профитни маржи за работа бидејќи актуелните компании, вклучувајќи ја и „Форд“ (Ford Motor Co), како и поновите учесници на пазарот, како „Ривиан“ (Rivian Automotive Inc) и „Луцид“ (Lucid Group Inc), се борат да заработат пари со помали количества.
По првото намалување на цените на „Тесла“ за целата линија на почетокот на оваа година, Маск на 25 јануари рече дека нарачките се одвиваат со речиси двојно поголема стапка од производствената. Но компанијата не беше во можност да ја одржи таа динамика на понуда-побарувачка, па испораките се зголемија за околу четири проценти во однос на четвртиот квартал, а „Тесла“ произведе речиси 18.000 автомобили повеќе отколку што им предаде на клиентите.
И покрај вториот круг попусти за моделите ес (Model S) и икс (Model X) на почетокот од март, „Тесла“ испорача само 10.695 од тие возила во тоа тримесечје, што е најниско од третиот квартал на 2021 година.
„Тесла“ треба да ги објави податоците за заработката за првиот квартал во САД, каде што инвеститорите ќе бидат фокусирани на падот на маржите од претходното намалување на цените. Во пресрет на прегледот на корпоративната заработка, аналитичарите на „Блумберг“ очекуваат дека намалувањето на цените ќе ги притисне бруто-маржите во 2023 година.
