Компанијата сопственик на „Фејсбук“ (Facebook), „Мета“ (Meta Platforms), треба да биде казнета од страна на Европската Унија со рекордна казна поради нарушување на приватноста, која би била повисока од 746 милиони евра, со колку што беше казнет „Амазон“ (Amazon).
Ирската комисија за заштита на податоците ќе го казни гигантот за социјални мрежи затоа што не го послушал предупредувањето на највисокиот суд со цел да ги заштити податоците на корисниците од љубопитните очи на американските безбедносни служби, откако ќе бидат поставени на сервери преку Атлантикот, велат информирани извори што зборувале за темата под услов да останат анонимни.
Регулаторот, кој го надгледува работењето на повеќето компании од Силициумската Долина, исто така ќе ѝ нареди на социјалната мрежа да ги запре сите преноси на податоци во САД што се базираат на наводни небезбедни договорни клаузули и се спорни за највисокиот суд на Унијата.
Bloomberg
Ова е најновата рунда во долготрајната сага, поради која илјадници компании како „Фејсбук“ западнаа во правен вакуум. Во 2020 година, судиите на ЕУ ја поништија одлуката на Унијата за регулирање на трансатлантските протоци на податоци поради загриженоста дека податоците на граѓаните не се безбедни откако ќе бидат префрлени во САД. Иако компаниите не го прекршија договорот, сомнежите за заштитата на податоците во САД брзо доведоа до тоа ирските власти прелиминарно да му забранат на „Фејсбук“ да пренесува податоци.
Забраната за пренос на податоци беше очекувана, а уште порано ја поттикна „Мета“ да се закани со целосно повлекување од ЕУ. Ирската одлука ќе цели само на „Фејсбук“ и нема да влијае на другите услуги на „Мета“, како што е „Инстаграм“, или која било друга компанија што споделувала податоци на ист начин.
Од „Мета“ одбија да ја коментираат потенцијалната казна, која најверојатно ќе дојде пред петгодишнината од Општата регулатива за заштита на податоците на ЕУ. Досега највисоката казна од регулаторот во Луксембург му беше изречена на „Амазон“ во 2021 година, откако компанијата за е-трговија беше обвинета за лошо постапување со личните податоци.
Се очекува забраната да опфаќа преоден период, до кога би можел да стапи во сила новиот трансатлантски пакт за податоци за кој ЕУ преговара со САД. Ирските власти ја усвоиле одлуката минатата недела, а ќе ја соопштат во наредните денови, по што „Мета“ сигурно ќе одговори со жалба.
Контроверзиите датираат од 2013 година, кога Едвард Сноуден го откри обемот на шпионажа од страна на американската Агенција за национална безбедност (НСА). Активистот за заштита на приватноста Макс Шремс го предизвикa „Фејсбук“ во Ирска, каде што компанијата за социјални мрежи има своја европска база, тврдејќи дека податоците на граѓаните на ЕУ се загрозени во моментот кога ќе се префрлат во САД.
.webp){kind=icon}
