text size
Пандемијата можеби го сврте и го наруши бизнисот, но малку ја ублажи преголемата доверба на менаџерите во прогнозите за перформансите на нивните компании.
Во истражувањето во кое учествуваа 357 финансиски директори, инвестициони професионалци и други видови менаџери, повеќе од 75 отсто рекле дека постои голема веројатност деловните резултати да бидат во согласност со предвидувањата кои биле презентирани пред инвеститорите. Но, тоа всушност се случува ретко.
Истражувањата покажуваат дека компаниите даваат точна прогноза приближно во третина од случаите. Неточните прогнози влијаат на проценките на аналитичарите кои ги следат акциите на Волстрит. Тоа всушност објаснува како многу мал процент од компаниите даваат резултати во согласност со очекувањата на аналитичарите, покажуваат податоците собрани од „Блумберг“ за индексот S&P 500 во изминатите 60 квартали.
Во првиот фискален квартал од оваа година, профитабилноста беше во согласност со претходните проценки во нешто повеќе од три отсто од случаите.
„Менаџерите всушност прават лоша работа во прогнозирањето. Кога ги прашавме за искрена проценка дали резултатот ќе биде во рамките на нивните проценки, тие главно се преценуваа себеси“, вели Пол Хрибар, професор по бизнис на Универзитетот во Ајова, кој е еден од авторите на студијата.
Во првиот квартал имаше доста вакви погрешни оценки и во позитивна и во негативна насока.
Малопродажната компанија „Таргет“ (Target Corp.) ја надмина својата прогноза за првиот квартал за 15 центи по акција, но потоа ги разочара инвеститорите оставајќи ги изгледите за профитот за цела година непроменети во однос на претходната проценка од 7,75 до 8,75 долари по акција.
Синџирот хотели „Мериот“ (Marriott International) ја надмина сопствената прогноза за првиот квартал, а потоа ја зголеми проценката на профитот за цела година за 50 центи по акција, благодарение на, како што објавија, растот на патувањата по пандемијата.
Интересно е што повеќето менаџери не ги променија своите прогнози поради пандемијата и покрај нестабилноста и неизвесноста што ги донесе тој период.
Во разговорите со некои од финансиските директори, се покажа дека тие често нудат премногу конзервативни проценки, додека нивните лични очекувања се значително пооптимистички. Тоа помага да се објасни зошто повеќето изненадувања се позитивни, околу 75 проценти, покажуваат податоците собрани од „Блумберг“.
Менаџерите, изгледа, сакаат да кажат: „Таква е играта. Сакаме да ги надминеме прогнозите“, смета Хрибар.
.webp){kind=icon}
