text size
Инвеститори од Израел преку нивната унгарска компанија „Биг Енергиа Холдингс Кфт.“ ја купуваат македонската фирма „Дам Енерџи“, чија регистрирана приоритетна дејност е производство на електрична енергија, дознава „Блумберг Адрија“.
„Биг Енергиа Холдингс Кфт.“ е во целосна сопственост на „Биг Мега Обновлива Енергија“ (БИГ), енергетско друштво кое е независен производител на енергија и работи во Израел, Романија, Босна и Херцеговина, Србија и Македонија. Ова друштво, пак, функционира како подружница на компаниите „Биг шопинг центерс“ и на „Мега“ кои котираат на берзата во Тел Авив.
„Дам Енерџи“ се‘ уште е во фаза на развој на проектот за изградба и обезбедување на сите потребни лиценци на централа за производство на електрична енергија од соларни панели-фотоволтаици и се‘ уште нема започнато со производство на електрична енергија.
Прочитај повеќе
Израелци купуваат проект за соларен парк во Пробиштип
„Big shopping centers“ ќе ги купи сите акции од двете компании од С.Македонија кои ги поседуваат правата за овој соларен проект
17.08.2022
Израелци со голем интерес за соларни паркови во Македонија
Се планира изградба на соларни паркови кај Штип и Пробиштип
15.09.2022
„Блумберг Адрија“ веќе пишуваше дека БИГ преку унгарската компанија почна наголемо да инвестира во македонскиот сектор на електрична енергија преку купување на удели односно цели друштва и преку развивање на сопствени проекти.
Имено, „Биг Енергиа Холдингс Кфт.“ веќе има регистрирано присуство во Мaкедонија преку друштвото за производство на електрична енергија „Биг Мега Македонија – Штип Солар Уан“, друштвото за производство, трговија и услуги „Биг Мега Менаџмент“, кое како основна дејност има регистрирано управувачки дејности, како и преку фирмите за производство на струја „Бака енерџи“, „Чашица Солар“ и „Скај Солар“.
.webp){kind=icon}
