.webp){kind=icon}
Линкдин на „Мајкрософт“ укинува околу 668 работни места во своите тимови за инженеринг, производи, таленти и финансии. Ова е второ вакво кратење годинава бидејќи помалку компании ја користат платформата за вработување и како корпоративна социјална мрежа.
Линкдин „продолжува да инвестира во стратегиски приоритети за својата иднина за да обезбеди континуирана испорака на вредност до своите членови“, наведе компанијата во блогпост во понеделникот.
Бидејќи сè помалку вработени бараат нови работни места и сè помалку компании вработуваат, Линкдин се соочува со помала побарувачка за своите услуги. Во мај социјалната мрежа објави дека планира да ја затвори својата кинеска апликација за вработување и да укине околу 716 работни места.
Сепак, Линкдин порасна под „Мајкрософт“, кој ја купи професионалната мрежа во 2016 година за 26,2 милијарди долари. Компанијата соопшти дека приходите од Линкдин се зголемиле за пет отсто во кварталот што заврши на 30 јуни, но планира „низок едноцифрен раст“ во следниот квартал. „Мајкрософт“ ќе ја пријави заработката на целата компанија следната недела.
