.webp){kind=icon}
Германија би можела да настрада доколку Европската унија воведе дополнителни давачки за увоз на електрични возила произведени во Кина затоа што со кој било протекционистички потег се ризикува одмазда, вели министерот за транспорт на земјата.
„Германската економија зависи од отворените пазари“, рече Фолкер Висинг во интервју за телевизијата Блумберг. „Треба да гарантираме еднакви услови за игра, но не да работиме со субвенции или даноци“.
Bloomberg
Минатиот месец, Европската комисија објави истрага за наводните субвенции дадени од кинеската влада на „Тесла“, „БИД“ (BYD Co). и други локални производители на автомобили за производство и извоз на електрични автомобили со батерии. Истрагата, која ги вклучува БМВ и други западни производители на автомобили кои доставуваат електрични возила произведени во Кина во ЕУ, се очекува да трае околу една година и може да доведе до наметнување на дополнителни увозни давачки од Брисел.
Казнените тарифи би можеле да прераснат во потег кој ќе им наштети на БВМ, „Фолксваген“ и „Мерцедес Бенз“, кои ја сметаат Кина за нивен најголем пазар. Главниот извршен директор на „Мерцедес“, Ола Калениус, чија S-класа е најпродаваното луксузно возило во Кина, минатиот месец ги отфрли заштитните мерки, велејќи дека отворените пазари се неопходни за здрава конкуренција.
Кина ги поддржа локалните производители на електрични возила со субвенции за продажба и производство на возила, како и пристап до земјиште и евтини кредити. Загриженоста за влијанието на достапните, потехнолошки ориентирани електрични возила што го преплавуваат европскиот пазар се зголемија во последниве месеци, што особено ќе им наштети на производителите на автомобили на масовниот пазар како што се „Фолксваген“ „Стелантис“ и „Рено“.
