.webp){kind=icon}
Германската влада се обидува да го спречи стапувањето на сила на новите царини на Европската унија за кинеските електрични возила или барем да ги ублажи доколку веќе не е можно целосно да се прекине нивната примена, велат упатени извори.
Официјални лица од Берлин веруваат дека ЕУ ќе може да најде решение во директни разговори со Кина, изјави извор запознаен со ситуацијата, кој сакаше да остане анонимен бидејќи разговорите се доверливи.
Најголемата европска економија во однос на овонеделната одлука на ЕУ тврди дека сè уште има простор за договор со Кинезите пред спроведувањето на царините на 4 јули. Германските власти гледаат простор за маневрирање и веруваат дека имаат сојузници во блокот, истакна еден од упатените, нагласувајќи дека не само Кина, туку и ЕУ мора да се придвижи за да се постигне договор.
Прочитај повеќе
ЕУ воведува царини во висина од 38,1 отсто за увоз на електрични возила од Кина
Индивидуалните давачки за БЈД би биле 17,4 проценти, „Гили“ 20 проценти и „САИЦ“ 38,1 процент
12.06.2024
Новите хибриди на БЈД можат да поминат 2.000 километри без полнење
Новите хибриди би можеле да одат од Сингапур до Бангкок, од Њујорк до Мајами или од Минхен до Мадрид.
29.05.2024
Кога „Ламборгини“ ќе стане целосно електричен автомобил?
„Ламборгини“ засега нема да произведува целосно електрични спортски автомобили
19.05.2024
Брисел во средата одлучи да воведе дополнителни царини за електричните автомобили што се испорачуваат од Кина, зголемувајќи ги давачките на дури 48 отсто, во зависност од нивото на соработка што го покажаа компаниите за време на истрагата на ЕУ. Ова ги погодува кинеските производители на автомобили како БЈД (BYD), „Гили“ (Geely) и сопственикот на МГ (MG), Саик (SAIC). Тие се обвинети за доведување во заблуда на пазарот поради државни субвенции и кршење на правилата на Светската трговска организација.
Bloomberg Mercury
Кина се закани дека ќе возврати во секторите земјоделство, авијација и автомобили со големи мотори, велејќи дека е длабоко разочарана и силно се противи на мерките поврзани со електричните возила. Било какви реципрочни мерки би можеле да им наштетат на германските производители, вклучувајќи ги „Фолксваген“ (Volkswagen AG), „Мерцедес“ (Mercedes-Benz Group AG) и БМВ (BMW AG), кои се потпираат на продажбата на најголемиот светски пазар.
Германскиот министер за економија Роберт Хабек веднаш по одлуката изјави дека „сега има можност да се обидеме и се надеваме дека ќе успееме да ја запреме“ заканата од ескалација на царините.
Хабек следната недела патува за Кина, каде планира да разговара за ова прашање со претставници на кинеската влада. На крајот на април тој посочи дека одлуката за царини против Кина не треба да биде автоматска, туку дека политичарите треба да го кажат последниот збор.
