Германските компании ги намалија своите планови за инвестирање и вработување бидејќи не гледаат знаци за одржлив раст во најголемата европска економија, покажува истражувањето на Здружението на германските комори од индустријата и трговијата (DIHK).
Нешто повеќе од половина од анкетираните 24.000 компании ја гледаат економската политика на земјата како деловен ризик, а загриженоста расте и во индустријата.
Само 13 отсто предвидуваат подобрување во следните 12 месеци, додека 35 отсто очекуваат влошување на состојбата.
„Засега, не гледаме знаци на одржлив пораст“, рече извршниот директор на Здружението, Мартин Ванслебен во изјавата. „Напротив, компаниите ги ревидираа надолу своите инвестициски планови, кои се важни, како и нивните намери за вработување – сега и двете ставки се во негативна територија“.
Bloomberg Mercury
Деловната групација, која во мај прогнозираше дека германската економија ќе стагнира оваа година, сега прогнозира намалување од 0,5 отсто, по што ќе нема раст и во 2024 година. И двете прогнози се помалку оптимистички од најновите владини проценки.
Овој став е поддржан од деловните истражувања објавени претходно оваа недела од „Стандард и пурс Глобал“, кои покажаа дека активноста на приватниот сектор се намалува со побрзо темпо овој месец отколку во септември. Сепак, индексот на очекувањата на институтот ИФО во средата укажа на благо подобрување на деловните изгледи.
Германија не забележува раст повеќе од една година, а економистите гледаат блага рецесија во шесте месеци до декември поради енергетската криза, слабата кинеска побарувачка и повисоките каматни стапки.
Според Здружението на коморите, цената на енергијата и суровините се најголемата грижа, проследена со недостигот на квалификувана работна сила во Германија, како и слаба домашна побарувачка. Кај индустриските компании, оптимизмот е намален, половина од нив гледаат влошување на состојбата, а половина подобрување.
.webp){kind=icon}
