Конзорциум од германски индустриски гиганти и група финансиски инвеститори вложија повеќе од 500 милиони долари во „Алеф алфа“ (Aleph Alpha GmbH), стартап со вештачка интелигенција што во Европа се обидува да се натпреварува со големите јазични модели создадени од „Опен еј-ај“ (OpenAI) и од „Гугл“ (Google).
На групата од седум нови инвеститори во кругот на финансирање, која ги вклучува САП (SAP SE) и американската софтверска фирма ХП (Hewlett Packard Enterprise - HP), им се придружија и „Шварц груп“ (Schwarz Group) и „Роберт Бош“ (Robert Bosch GmbH), се наведува во соопштението на компанијата од понеделникот.
Компаниите соопштија дека нивната инвестиција вклучува „обврски за заеднички развој на бизнисот“ со стартапи, но не дадоа дополнителни детали. Германскиот истражувачки центар, компанијата „Иновејшн парк“ (Innovation Park Artificial Intelligence), консултантската фирма „Крајст енд компани“ (Christ & Company) и компанијата „Бурда принципал“ (Burda Principal Investments), заедно со постојните инвеститори, учествуваа во кругот на финансирање.
Прочитај повеќе
Маск го најави Грок, „духовит и бунтовен“ ривал на ЧетГПТ
Илон Маск го најави својот бот со вештачка интелигенција, кој ќе му биде ривал на ЧетГПТ.
06.11.2023
Како влезе вештачката интелигенција во Македонија и какви ризици носи
Еден пример што ни е близок нам, во Македонија, е за користењето на ЧетГПТ од страна на учениците.
02.11.2023
„Сименс“ и „Мајкрософт“ развиваат асистент со вештачка интелигенција за во фабриките
„Тоа ќе го сведе на минути времето на задачи што претходно траеле со недели“, велат од „Сименс“.
01.11.2023
Последниот круг на финансирање донесе 23 милиони евра во 2021 година, но беше засенет од конкурентите, кои собраа многукратно повеќе, а технолошките компании мораат да соберат многу средства поради скапите компјутерски компоненти. „Антропик“ (Anthropic), американски стартап со слични безбедносни карактеристики, би можел да добие уште 2 милијарди долари по претходна инвестиција од 4 милијарди долари од компанијата „Амазон“ (Amazon.com Inc).
„Алеф алфа“е основана во Хајделберг, Германија, од Јонас Андрулис, поранешен инженер во САП и во „Епл“ (Apple Inc). Иако развива технологија за поддршка на голем јазичен модел, сличен на ЧетГПТ, Андрулис ја претстави својата апликација пред европските компании во безбедносниот сектор и оние што се занимаваат со заштита на податоците.
„Антропик“, „Опен еј-ај“ и „Гугл“ исто така ги проширија своите понуди на производи со вештачка интелигенција за претпријатија во САД и во Европа. „Мистрал“ (Mistral), француски стартап формиран годинава, собра 113 милиони долари во почетниот круг на финансирање и на сличен начин се претстави како европска алтернатива на американските компании.
„За клиентите што се карактеризираат со високо ниво на одговорност, како и за оние што работат во средини во кои суверенитетот може да биде загрозен, ние ќе останеме најдобра опција“, рече Андрулис во изјава. Во огласот не е наведено ново вреднување на компанијата.
.webp){kind=icon}