.webp){kind=icon}
„Хонда“ ќе ги зголеми платите за некои вработени во САД за 11 отсто по историскиот договор од „Јунајтед Ауто воркерес“, според белешката на компанијата до која дојде „Блумберг“.
„’Хонда’ постојано ги прегледува нашите севкупни пакети за компензација за да се осигура дека ќе останеме конкурентни во нашата индустрија“, напишаа директорите за човечки ресурси на компанијата во меморандум за локациите вклучувајќи ја фабриката за автомобили Мерисвил во Охајо, фабриката за автомобили во Индијана и фабриката за пренос во Џорџија. „Од понеделник, 8 јануари 2024 година, производните работници ќе добијат зголемување од 11 отсто на основната плата“.
Портпаролот на „Хонда“, Крис Абрузезе, го потврди зголемувањето на платите, како и намаленото време за унапредување за производните работници во погоните на „Хонда“ во САД. Тој рече дека почнувајќи од 2021 година, „Хонда“ додаде повеќе од 10 нови поволности, вклучувајќи додаток за детска грижа и програма за отплата на студентски заем.
„Ќе продолжиме да ги следиме можностите да обезбедиме одлично работно искуство за работниците на ‘Хонда’“, рече Абрузезе во е-пошта.
Штрајкот на „Јунајтед Ауто воркерс“ и рекордниот договор ги поттикнуваат напорите на синдикатот да се организира во компании каде не постои синдикат.
Ова ги мотивираше компаниите кои немаа синдикати да ги зголемат своите плати доколку сакаат да спречат создавање синдикат. Потегот на „Хонда“ следи по оној на „Тојота“ на почетокот на овој месец за заголемување на највисоката плата за повеќето работници во производните линии за 9,2 отсто од јануари.
Претседателот на синдикатот, Шон Фајн, рече дека покачувањата како оние на „Тојота“се директен резултат на успехот на синдикалците и не се доволни за да го спречат синдикатот да ги организира нови компании.
„’Тојота’, ако го правеа ова од добрината на нивните срца, можеа да го направат тоа пред една година“, рече Фајн во интервју за „Блумберг Њус“ минатата недела.
Според привремените договори на овој синдикат со „Џенерал Моторс“, „Форд“ и „Стелантис“, членовите на синдикатот ќе добијат покачување од 11 отсто веднаш штом ќе бидат ратификувани новите договори. Во текот на преговорите, производителите на автомобили се согласија да дадат покачување на платите од 25 отсто и да ги пресметаат и трошоците за живот, што ја зголемува најголемата плата на 33 отсто во тој период, како и дозволувајќи им на новите работници да напредуваат побрзо до плата од 42 долари на час.
„Една од нашите најголеми цели што произлегува од овој историски договор е да се организираме како никогаш досега“, рече Фајн. „Кога ќе се вратиме на преговарачката маса во 2028 година, тоа нема да биде само со големата тројка, туку и со големата петорка или големата шестка“.
