.webp){kind=icon}
Извршниот директор на „Мајкрософт“ (Microsoft), Сатја Надела, посочи дека е отворен за можноста Сем Алтман да се врати во „Опен еј-ај“ (OpenAI) наместо да ѝ се приклучи на неговата компанија, по ненадејната одлука објавена во текот на викендот.
„Без разлика дали Алтман ќе му се придружи на ’Мајкрософт’ или ќе се врати во ’Опен еј-ај’, како што се обидуваат да издејствуваат некои од инвеститорите во стартапот, тој дефинитивно ќе работи со ’Мајкрософт’“, рече Надела во интервју за телевизијата „Блумберг“. „Мајкрософт“ е најголемиот инвеститор во „Опен еј-ај“, стартапот од кој Алтман беше разрешен од функцијата извршен директор минатата недела.
„Без разлика каде ќе биде Сем, тој ќе работи со ’Мајкрософт’“, рече Надела.
Прочитај повеќе
„Oпен еј-ај“ напорно работи да ги смири скараните страни во компанијата
Претставничка на компанијата во порака до вработените наведува дека „напорно работат“ за да го обединат кадарот што влезе во конфликт.
21.11.2023
Сем Алтман преминува во „Мајкрософт“ како нов директор за ВИ
Алтман, кој беше отпуштен од стартапот, сега ќе води свој тим во компанијата со која и досега соработуваше.
20.11.2023
Поранешниот шеф на „Твич“ на местото на Алтман во „Опен еј-ај“
Тој ги освои директорите на „Опен еј-ај“ затоа што изгледа дека ги препознава егзистенцијалните закани што ги презентира вештачката интелигенција
20.11.2023
Големите инвеститори во „Опен еј-ај“ бараат враќање на Алтман
Најголемите инвеститори во компанијата „Опен еј-ај“, меѓу кои и „Мајкрософт“, вршат притисок да се врати Сем Алтман.
19.11.2023
По разрешувањето на Алтман, претседателот на компанијата ја напушта „Опен еј-ај“
Објавата уследи само неколку часа откако одборот го разреши извршниот директор, Сем Алтман.
18.11.2023
Еден од главните ликови за ВИ, Сем Алтман, отпуштен од „Опен еј-ај“
Главниот директор за технологија Мира Мурати ќе биде привремен извршен директор.
18.11.2023
Во еден од најнеочекуваните пресврти во сагата за „Опен еј-ај“, Надела во неделата објави дека ќе го ангажира Алтман да раководи со една од новите групи за вештачка интелигенција во „Мајкрософт“. Отпуштањето на Алтман од „Опен еј-ај“ во петокот ја изненади Силициумската Долина и оттогаш инвеститорите во стартапот лобираат за негово враќање.
Речиси сите вработени на „Опен еј-ај“ се заканија дека до понеделник ќе дадат отказ и ќе му се придружат на Алтман во „Мајкрософт“ доколку сегашните членови на одборот на компанијата не поднесат оставка.
Надела рече дека не слушнал од никого дека Алтман направил нешто лошо во „Опен еј-ај“. „Сè уште верувам во Сем како лидер и во неговите способности и затоа е добредојден во ’Мајкрософт’“, рече тој во едно интервју. „Без оглед на тоа што ќе се случи, на ’Опен еј-ај’ сè уште му требаат промени на лидерските позиции“, додаде тој.
„Изненадувањата не се добри и сакаме само да се погрижиме работите да се извршат на начин што ни овозможува да имаме добро партнерство“, рече Надела. Значајните промени што постојано се случуваат во „Мајкрософт“ „не се добри и ние дефинитивно ќе ги направиме промените што се неопходни“.
Надела изјави и дека не му било кажано зошто Алтман бил отпуштен.
„Не сме информирани за ништо“, рече директорот на технолошкиот гигант. „Одборот не кажа дека Сем направил ништо, освен дека дошло до прекин во комуникацијата“.
