Во две блок-трансакции со вкупна вредност од 15,6 милиони денари(253.000 евра) вчера на Македонската берза беа продадени 240 акции од „Макпетрол“. Во првата блок-трансакција беа продадени 200 акции, а во втората 40 акции. Во двете блок-трансакции акциите се продадоа по цена од 65.000 денари по акција.
Тргувањето со блокови акции од „Макпетрол“ доаѓа во период кога е во тек постапка за преземање на компанијата од страна на „Оилко“. „Блумберг Адрија“ веќе пишуваше дека „Оилко“ во моментов поседува 22,8 проценти од вкупниот број обични акции во „Макпетрол“ и сака да ги презеде останатите акции по цена од 67.001 денар за акција. Понудата за преземање се однесува на 72.644 обични акции со право на глас, издадени од ,,Макпетрол“, кои не се во сопственост на „Оилко“ и физичките лица кои дејствуваат заеднички со него.
„Макпетрол“ има издадено 112.382 обични акции со право на глас, од кои 11.238 се сопствени акции без право на глас, а 28.500 обични акции, со право на глас, се во сопственост на „Оилко“ и физичките лица кои дејствуваат заеднички со него.
Прочитај повеќе
„Оилко“ бара амин од Антимонополската комисија за преземањето на „Макпетрол“
Комисијата ги повикува сите заинтересирани страни да достават забелешки и мислења за оваа концентрација.
29.01.2024
Собранието на „Оилко“ даде зелено светло за преземање на „Макпетрол“
Во понудата за преземање, се утврдува праг на успешност од 50.000 обични акции со право на глас, што претставува 44,49 проценти од вкупниот број обични акции
23.01.2024
„Оилко“ ќе се задолжи кај „Комерцијална“ и „Халк банка“ за преземањето на „Макпетрол“
Се предвидува компанијата да се задолжи во „Комерцијална банка“ АД Скопје до максимален износ од 3.259.532.386 денари (53 милиони евра).
27.12.2023
„ОИЛКО“ сака да го преземе „Макпетрол“
Собранието на акционери на ОИЛКО на седница зажана за 20 јанури ќе решава за предлог одлуката за преземање на „Макпетрол“
21.12.2023
Андреја Јосифовски ја зголеми сопственоста во „Макпетрол“
Најголеми акционери во компанијата и понатаму се „Оилко“ и „Макпетрол“
20.07.2023
Во понудата за преземање, се утврдува праг на успешност од 50.000 обични акции со право на глас, што претставува 44,49 проценти од вкупниот број обични акции со право на глас издадени од „Макпетрол“. Рокот за прифаќање на понудата е утврден на 28 дена, од денот на објавувањето на понудата за преземање.
За оваа зделка, се предвидува „Оилко“ да обезбеди банкарска гаранција од „Комерцијална банка“ АД Скопје до максимален износ од 3.259.532.386 денари (53 милиони евра) за навремено намирување на паричните обврски спрема сопствениците на обични акции со право на глас од „Макпетрол“, кои ќе ја прифатат понудата за преземање. Исто така се предвидува „Оилко“ да обезбеди банкарска гаранција и од „Халк банка“ АД Скопје до максимален износ од 1.612.713.333,00 денари (26,2 милиони евра).
.webp){kind=icon}
