„Комерцијална банка“ АД Скопје во првите три месеци од годинава оствари добивка од 1,17 милијарди денари (19,1 милиони евра), што е зголемување за 13,4 проценти во однос на истиот период во минатата година кога добивката на банката изнесувала 1,03 милијарди денари (16,9 милиони евра), покажува неревидираниот неконсолидиран успех на банката објавен преку Македонската берза.
Од банката информираат дека планираната бруто-добивка за првиот квартал од годинава е остварена со 111,4 проценти.
„Притоа, остварената добивка пред исправка на вредност, која претставува показател за оперативната способност на банката да ги покрива расходите од работењето, е за 32,8 проценти поголема во однос на истиот период минатата година“, наведуваат од банката.
Прочитај повеќе
„Комерцијална банка“ ќе ѝ го продаде имотот на „Еуроникел“ на турската групација „Јилдирим“
Купувачи на имотот се друштва основани од холандската холдинг компанија „Полиникел холдинг БВ“ (Polynickel Holding BV), која е дел од турската групацијa „Јилдирим“ (Yildirim Group).
25.03.2024
Таки Фити и Сава Димитрова заминуваат од Надзорниот одбор на „Комерцијална банка“
Мандатот на актуелниот Надзорен одбор истекува на 20 мај годинава.
05.03.2024
„Комерцијална банка“ не се откажува од „Стопанска банка Битола“ и од странски инвеститор
Максимизирање на профитабилноста на работењето со преземање прифатливи ризици останува една од приоритетните цели на банката во претстојниот период.
28.02.2024
Дивидендата ја разгоре трката: Фатмир Етеми купи 500 акции од „Комерцијална банка“
Тој е уште еден од менаџерите во банката кои во изминатиов купуваат акции.
23.02.2024
„Комерцијална банка“ ќе исплати рекордна дивиденда од 910 денари по акција
Вредноста на дивидендата е 91 процент во однос на номиналната вредност на акцијата од 1.000 денари.
23.02.2024
Продаден голем блок акции од „Комерцијална банка“ по „дампинг“ цена од 12.700 денари за акција
Продаден блок од 2.000 акции од „Комерцијална банка“.
20.02.2024
Оттаму објаснуват дека зголемувањето на добивката пред исправка на вредност главно произлегува од зголемувањето на приходите од редовно работење (нето приходи од камата и нето приходи од провизии), а во помал дел и поради зголемените останати приходи.
„Банката ги оствари овие резултати благодарение на зголемените пласмани во нискоризични хартии од вредност и зголеменото кредитирање, како и се‘ уште високото учество на пласманите во парични средства и парични еквиваленти, кои придонесоа за остварување повисоки каматни приходи, во услови на повисоки каматни стапки споредено со истиот период минатата година“, информираат од банката.
За наредниот период, од „Комерцијална банка“ нагласуваат дека макроекономските услови во кои банката ќе ја остварува својата активност во текот на 2024 година се условени од домашните политички случувања, како и од се‘ уште неизвесниот и непредвидлив глобален амбиент и присутните ризици предизвикани од: продолжената војна во Украина и дополнително од новиот воен конфликт Хамас-Израел, послабиот раст на кинеската економија како втора по големина во светот, рецесијата во Германија како наш најголем трговски партнер, понатамошното затегнување на меѓународните финансиски услови и зголемениот финансиски стрес кај високо задолжените земји.
„Ваквиот амбиент создава ризици за економскиот раст, инфлацијата и екстерната позиција. Високото ниво на неизвесност во домашната економија и на меѓународен план упатуваат на потребата од поконзервативен пристап во обликувањето на очекувањата за 2024 година, при што се земени предвид проекциите објавени од Министерството за финансии, Народната банка, ММФ и Светската банка“, велат од банката.
Од банката посочуваат дека согласно ноемвриските проекции од НБРСМ се очекува стапката на раст на БДП за 2024 година да достигне три проценти, додека според најновите прогнози објавени од Светска банкасе очекува македонската економија да забележи раст на БДП од 2,5 проценти во 2024 година.
„Ваквите стапки на раст би се оствариле во 2024 година доколку се реализираат најавените инфраструктурни инвестиции, како и странските и домашни инвестиции, особено во обновливи извори на енергија и во извозниот сектор“, велат од Комерцијална банка.
Оттаму додаваат дека се очекува макроекономската стабилност да се остварува преку одржување на ценовната стабилност и стабилноста на номиналниот девизен курс на денарот во однос на еврото.
„Просечната годишна инфлација во 2023 година се задржа на 9,4 проценти, додека за 2024 година се очекува нејзино дополнително забавување и сведување на ниво од 3,5 до 4 проценти. Сепак, нагорните ризици околу инфлацијата сѐ уште постојат и се поврзани главно со: цените на примарните производи, промените на регулираните цени, како и со политиките на побарувачката (расположливиот доход)“, укажуваат од Комерцијална банка.
Од банката очекуваат банкарскиот систем и натаму ќе обезбедува солидна кредитнаподдршка, но малку поумерена, во услови на затегнати монетарни услови, преземени макропрудентни мерки и континуирано зголемување на стапката за противцикличен заштитен слој на капиталот кај банките.
„Кредитниот раст во 2024 година би изнесувал околу 6,4 проценти, додека растот на депозитите се предвидува да биде околу 7,6 проценти. Комерцијална банка ќе ги презема сите неопходни активности за прилагодување кон новонастанатите состојби“, велат од банката.
.webp){kind=icon}
