„Енвидија“ (Nvidia) во вторникот стана најголема компанија во светот, надминувајќи го „Епл“ (Apple) и нагласувајќи колку стана доминантна вештачката интелигенција на Волстрит.
Акциите пораснаа за 2,9 отсто, на 139,93 долари, што резултира со пазарна капитализација од 3,43 трилиони долари, пред „Епл“ со 3,38 трилиони. „Мајкрософт“, која „Енвидија“ ја надмина минатиот месец, има пазарна капитализација од 3,06 трилиони. „Енвидија“ порасна повеќе од 850 отсто од крајот на 2022 година.
„Во текот на последните неколку квартали се чини дека луѓето главно се грижат за бројките за инфлација, бројките за работни места и бројките на 'Енвидија'“, рече Фал Аинина, директор на истражување во „Џејмс инвестмент рисрч“. „Надминувањето на 'Епл' во пазарната капитализација не само што покажува дека е најголемиот добитник во циклусот на инфраструктура за вештачка интелигенција туку и сугерира дека луѓето очекуваат да продолжи бумот на вештачката интелигенција“.
Повторно на врвот
Bloomberg
Производителот на чипови учествува со 7 отсто од тежината на индексот S&P 500 и е одговорен за околу четвртина од 21 отсто раст на бенчмаркот годинава. „Енвидија“ претходно затвори со титулата најголема компанија во јуни, иако го држеше рекордот само еден ден.
Најголемите компании на Волстрит се силно изложени на вештачка интелигенција: „Епл“ со своите неодамна лансирани ајфони; „Мајкрософт“, „Амазон“ и „Алфабет“ со нивните бизниси во облак и ВИ-услуги; и „Мета“ со ВИ-функции за целење на реклами. Со исклучок на „Епл“, овие компании се меѓу најголемите клиенти на „Енвидија“ и тие ја нагласуваат својата посветеност на продолжување на трошоците за ВИ.
Аналитичарите очекуваат приходите на „Енвидија“ да се зголемат повеќе од двојно во тековната фискална година и да пораснат уште 44 отсто во следната, според податоците собрани од „Блумберг“. Аналитичарите на Волстрит континуирано ги зголемуваат процените за заработката и профитот на „Енвидија“ во текот на последниот квартал.
.webp){kind=icon}
