Нискобуџетната унгарска авиокомпанија „Визер“ ја укинува авиолинијата од Скопје до Будимпешта и од 9 март годинава повеќе нема да лета на таа дестинација, а од неодамна не продава билети за таа рута.
Од „Визер“ за МИА ја потврдија информацијата и изјавија дека континуирано ги следат перформансите на своите рути за да овозможат најпопуларните дестинации да имаат најниски можни цени.
„Како што е вообичаена практика, ’Визер’ ја оптимизира својата мрежа врз основа на резултатите од овие прегледи. Со силна посветеност за одржување на капацитетот во Северна Македонија и Централноисточна Европа, ’Визер’ продолжува да ги подобрува своите услуги и да истражува нови можности за раст во регионот. Сите погодени патници се информирани за промените и им се понудени алтернативни опции за патување, како и опции за целосно враќање на средствата во форма на оригинално плаќање или ’Виз кредит’“, истакнаа од компанијата за МИА.
Прочитај повеќе

Проблемите со моторите на авионите на „Визер“ ќе го намалат профитот
Оперативната добивка за пресметковната година што завршува во март ќе падне на 250-300 милиони евра, а претходно се очекуваше да биде меѓу 350 и 450 милиони евра.
30.01.2025

Почна продажбата на билети за новите авиолинии до Барселона, Лион и Штутгарт
Резервациите за трите нови дестинации достапни од Меѓународниот аеродром Скопје се отворени од денеска.
17.12.2024

Шест корисни трикови за максимално уживање во патувањата
Најдобрите нови ресторани воопшто не се ресторани, а предградијата се во тренд
05.01.2025

Каде ќе може да се лета од Скопје во 2025 година?
Барселона, Дубаи, Амстердам се дел од новите дестинации
02.01.2025

Скопје се поврзува со Амстердам - летовите почнуваат од март
Ова ќе биде прво поврзување на скопскиот со аеродромот „Шипхол“ по 2008 година.
23.12.2024
Од Министерството за транспорт и врска, пак, за МИА посочија дека линијата Скопје-Будимпешта никогаш не била предмет на финансиска поддршка, односно за таа линија Министерството не исплаќало средства.
„Политиката на Министерството за транспорт е развој на авиосообраќајот и во таа насока со новиот концепт што го промовираме за само шест месеци успеавме да обезбедиме десет нови линии. Очекуваме преку овие политики дополнително да го развиваме авиосообраќајот, да обезбедиме квалитетни услуги и да ја промовираме Македонија како атрактивна дестинација за туристите“, информираат од надлежното министерство за МИА.
По воведувањето на новиот начин за субвенционирање авиолинии од страна на Владата, „Визер“ доби субвенции за летови од Скопје кон Лион, Барселона и Штутгарт. За овие дестинации летовите почнуваат од 30 јуни, а авиокомпанијата веќе продава билети.