Проблемите со моторите на авионите на „Визер“ ќе го намалат профитот

„Визер“ (Wizz Air Holdings Plc) ги намали проекциите за годишните нето-приходи бидејќи нискобуџетната авиокомпанија се бори со приземјување на дел од своите авиони „ербас“ (Airbus SE).

Оперативната добивка за пресметковната година што завршува во март ќе падне на ниво меѓу 250 и 300 милиони евра, што е намалување од претходниот очекуван опсег од 350 до 450 милиони евра, објави денеска унгарскиот авиопревозник.

„Приземјувањата на авионите поради проблеми со моторот ’прат и витни’ (Pratt & Whitney) се главната причина зошто ’Визер’ ги намали своите очекувања“, рече во интервју главниот извршен директор Џозеф Варади. Ситуацијата предизвика повисоки трошоци за одржување и проверка на моторите.

„Не сакаме да нė претепаат поради преголем оптимизам. Никогаш немавме ситуација да мора да поминеме низ ваков вид на прекин во синџирот на снабдување“, рече тој.

Акциите на авиокомпанијата годинава паднаа за околу пет проценти, додека нејзините конкуренти имаат поинакви резултати, „Рајанер“ (Ryanair Holdings Plc) има добивка од седум отсто, а „Изиџет“ (EasyJet Plc.) се соочува со пад од 12 проценти.