Во блок-транскација вредна 5,1 милиони денари (82.000 евра) денеска на Македонската берза се продадоа 510 акции од винарската визба „Тиквеш“ коишто претставуваат 0,19 проценти од основната главнина на друштвото. Акциите се продадоа по цена од 10.000 денари по акција.
„Блумберг Адрија“ објави дека во блок-трансакција вредна 47,4 милиони денари (771.000 евра) вчера на Македонската берза се продадоа 6.500 акции од винарската визба „Тиквеш“, коишто претставуваат 2,40 проценти од основната главина на друштвото. Акциите се продадоа по цена од 7.300 денари за акција.
Забележително е дека тргувањето со блок-акции доаѓа во пресрет на денешната берзанска аукција за голем пакет акции од „Тиквеш“. Веќе пишувавме дека на барање на членката „Еурохаус“ АД Скопје, по пат на јавна берзанска аукција на акции при продажба на големи пакети на акции денеска ќе се понудат на продажба 10.646 обични акции издадени од винарската визба „Тиквеш“ АД Кавадарци.
Прочитај повеќе
Продаден блок-акции од ВВ „Тиквеш“ за 771.000 евра
Продажбата доаѓа само еден ден пред да се одржи берзанска аукција за голем пакет акции од „Тиквеш“ со почетна цена од 10.596 денари по акција односно вкупна почетна сума од 1,8 милиони евра.
19.08.2025
На берзанска аукција ќе се продава голем пакет акции од ВВ „Тиквеш“
Вкупната почетна сума за целиот пакет акции изнесува 1,8 милиони евра.
15.08.2025
Станува збор за пакет акции што претставува 3,94 проценти од основната главнина на друштвото. Почетната продажна цена изнесува 10.596 денари по акција односно вкупната почетна сума за целиот пакет акции изнесува 112,8 милиони денари (1,8 милиони евра). Акциите ќе се продаваат преку моделот „се или ништо“.
Инаку, според податоците на Централниот депозитар за хартии од вредност, единствен голем акционер во ВВ „Тиквеш“ е трговското друштво за инжинеринг и услуги во прометот „М-6“ ДОО Скопје, кое поседува 80,08 проценти од вкупниот број акции. Станува збор за компанија зад која стои македонскиот бизнисмен Светозар Јаневски.
ВВ „Тиквеш“ е еден од најголемите производители на вино во Македонија. Во визбата годишно се преработуваат 55 милиони грозје и се произведуваат околу 35 милиони литри вино. Асортиманот опфаќа 24 видови вино, вклучувајќи црвени и бели вина, квалитетно и специјално одбрани типови вина. Вината на „Тиквеш“ се присутни на пазарите во Србија, Црна Гора, Хрватска, Босна и Херцеговина, Албанија, Европската унија, Русија, Украина, САД, Канада и Австралија. Компанијата во последните три години бележи континуиран раст на добивката.
.webp){kind=icon}
