text size
Акциите на „Порше“ (Porsche AG) пораснаа откако компанијата вети дека ќе им стави крај на месеците на слаби резултати со нов извршен директор и промена на стратегијата за електрични возила.
Акциите се зголемија за 4,4 отсто во раното тргување во Франкфурт, достигнувајќи го највисокото ниво од мај. Производителот на луксузни автомобили доцна во петокот објави дека првпат забележал квартална загуба откако стана јавно тргувана компанија, при што резултатот беше погоден од трошоци поврзани со зафатот да понуди повеќе модели со мотори на внатрешно согорување и од американските царини.
„Очекуваме 2025-та да биде најтешката година“, изјави финансискиот директор Јохен Брекнер. „Порше“, која четири пати ја намали својата прогноза годинава, забележа оперативна загуба од 966 милиони евра (1,1 милијарда долари) во трите месеци до септември.
Прочитај повеќе
Основачот на „Римац“ сака да го купи уделот на „Порше“ во „Бугати Римац“
Основачот на хрватскиот производител на спортски автомобили „Римац“ вели дека е во преговори за откуп на уделот на „Порше“ во нивното заедничко претпријатие „Бугати Римац“.
15.10.2025
Дали „Порше“ сè уште е луксузен бренд?
„Порше“, симболот на спортски луксуз и рафиниран инженеринг, се соочува со сериозен пад на вредноста и профитабилноста.
02.10.2025
„Порше“ и „Мерцедес“ научија скапа лекција - луксузните електрични возила не се продаваат
Слабата побарувачка за луксузни електрични возила ги принудува „Порше“ и „Мерцедес“ да го одложат производството на нови модели и да се вратат повторно на хибриди и бензинци.
25.09.2025
„Порше“ се откажува од електричните возила и ја намалува прогнозата за добивка
Акциите на „Порше“ потонаа поради слабата побарувачка за ЕВ, ударот од царини и намалената добивка, оставајќи ја германската автоиндустрија целосно разнишана.
22.09.2025
Компанијата се соочува со тешкотии поради намалениот интерес за електрични возила и проблемите во синџирот на снабдување, што дополнително ги влошија слабите продажби во Кина и американските увозни царини. Слабите резултати доведоа акциите на „Порше“ да испаднат од германскиот индекс DAX.
Слабите резултати на „Порше“
Производителот на моделот 911 заостанува зад своите конкуренти
Bloomberg
Производителот на спортскиот модел 911 месецов го назначи Михаел Лајтерс за нов извршен директор – поранешен менаџер на „Порше“, кој претходно ја водеше британската компанија за суперавтомобили „Мекларен аутомотив“ (McLaren Automotive Ltd.). Лајтерс ќе ја преземе функцијата во јануари, со што ќе заврши контроверзната двојна улога на досегашниот директор Оливер Блуме, кој ќе продолжи да ја предводи матичната компанија „Фолксваген“ (Volkswagen AG).
„Порше“ сè уште има долг пат пред себе за да ја врати довербата во својата инвестициска приказна“, напиша аналитичарот од „Бернштајн“ (Bernstein) Стивен Рајтман во својата анализа.
„Не би нè изненадило доколку новиот директор Михаел Лајтерс оцени дека се потребни дополнителни мерки – најдобриот момент за одлучно дејствување е на самиот почеток.“
.webp){kind=icon}
