Основачот на хрватскиот производител на спортски автомобили „Римац“ (Rimac Group) вели дека е во преговори за откуп на уделот на „Порше“ (Porsche AG) во нивното заедничко претпријатие „Бугати Римац“ (Bugatti Rimac) и работи на постигнување договор до следната година.
„Не е тајна дека сме во разговори“, рече Мате Римац, давајќи ги своите најдетални коментари досега за потенцијалната трансакција.
„Само сакам да можам да донесувам долгорочни одлуки, да правам долгорочни инвестиции и да ги правам работите на поинаков начин, без да морам да им објаснувам на 50 луѓе“, рече тој во интервју во Сингапур.
Прочитај повеќе
„Римац Невера Р“ сè уште најбрз електричен автомобил, но продажбата забавува
Резултатот на „Римац“ го надмина претходниот максимум од 412 км/ч на „Невера Р“.
14.07.2025
Ќе најде ли „Порше“ спас во автомобилите на „Бугати“ од четири милиони долари?
„Бугати“ минатата година лансираше хибриден хиперавтомобил „Турбилон“, вреден 3,8 милиони евра, со внатрешни инструменти налик на аналогни швајцарски часовници.
05.04.2025
„Порше“ тргна по мнозински удел во „Бугати Римац“
„Порше“, кој поседува 45 отсто од акциите на „Бугати Римац“, сега размислува за преземање на мнозинскиот удел.
23.12.2024
Големо враќање на суперавтомобилите со огромни мотори
Новиот „ѕвер“ на „Астон Мартин“ со 824 КС, кој чини 429.000 долари, се придружува на групата целосно нови суперавтомобили со шест и седумцифрени цени, вклучувајќи ги „ферари 12 цилиндри“ со 819 КС од 423.000 долари и хибридниот „ламборгини ревуелто“ со 1.000 КС и цена од 604.000 долари.
22.09.2024
Триесет и седумгодишниот претприемач е најголемиот акционер во неговата „Римаџ груп“. „Римац“ и „Порше“ го основаа „Бугати Римац“ во 2021 година за да произведуваат таканаречени хиперавтомобили под нивните истоимени брендови.
„Порше“ претходно се обиде да ја преземе мнозинската контрола, рече тој. Семејството Порше-Пих контролира еден удел во германскиот производител на автомобили.
„Римац“ даде прелиминарна понуда за уделот на „Порше“ од 45 проценти кога заедничката инвестиција се проценуваше на нешто над една милијарда евра, изјавија во април лица запознаени со ова прашање.
Сега Римац изјави дека сака да го преземе заедничкото вложување и дека има инвеститори зад себе за да ја реализира трансакцијата. Тој наведе неименувана меѓународна група инвеститори и фондови со приватен капитал.
Римац ја основа својата фирма во гаража во 2009 година, откако го претвори својот БМВ E30 во целосно електричен тркачки автомобил на батерии. Компанијата оттогаш се фокусираше на градење целосно електрични хиперавтомобили и производство на компоненти за други автомобилски компании.
„Кога преговарате со корпорација, има толку многу фактори“, рече Римац. „Тоа се семејства, тоа се повеќе семејства. Тоа е емотивна тема.“
.webp){kind=icon}
