.webp){kind=icon}
Пандемијата на ковид, енергетската криза и високата инфлација го отежнаа работењето на компаниите. Многу од нив тешко ги сервисираат достасаните долгови кон банките. Тоа е причината поради која се зголемени инвестициите во побарувања во корпоративниот сектор, вели во интервју за „Блумберг Адрија“ генералната директорка на „ЕОС Матрикс Македонија“, Катерина Бошевска.
„Промените што настанаа придонесоа во последниот квартал во 2022 година и на почетокот од 2023 година во сите сектори да има зголемување на трошоците на задолжување. Кога тоа го имаме во услови на постојан пораст на ризиците на пазарите на некој начин доведува до целосно повлекување на кредитната активност“, вели Бошевска.
Bloombeg Adria
Таа додава дека во првата половина на 2023 година побарувачка за корпоративни кредити е намалена.
„Во услови кога имаме затегнати услови на пазарот, ние се соочуваме со зголемен ризик од прелевање од овие корпоративни проблеми на ниво на систем односно зголемување на системскиот ризик, а тоа вклучува забавен економски раст, нестабилни цени на средствата, зголемена невработеност и, нормално, доведува до скок на нефункционалните пласмани кај финансиските институции“, вели Бошевска.
Таа појаснува дека како компанија оцениле дека е потребен здрав корпоративен сектор. Во вакви околности, важноста на неконвенционалните инструменти за финансирање е од витално значење, бидејќи овозможува корпоративниот сектор брзо да се регенерира и да ја зајакне својата кондиција и успешно да ги продолжи своите активности на пазарот.
„Вкупното инвестициско портфолио на побарувања изнесува 1,2 милијарда евра“, појаснува Бошевска.
