Олабавување на монетарната политика очекува банкарскиот сектор. Маја Стевкова Штериева, главен финансов директор и член на Управниот одбор на Комерцијална банка АД Скопје во интервју за „Блумберг Адрија“ посочува дека се очекува следната година, некаде кон мај, да има намалување на каматните стапки.
„Што се однесува до ЕЦБ се очекува дека ќе има намалување од околу 0,25 процентни поени што значи дека до декември наредната година очекувањата се дека би била каматната стапка 3,75 отсто, но тоа е далеку уште од нивото со која е започната 2023 година“, вели Штериева.
Таа додава дека што се однесува до Фед тие исто така најавуваат намалување на каматните стапки и тоа може да се очекува некаде во мај на состанокот во 2024 година.
„Во голема мера што се однесува на Фед како што вообичаено објавуваат, тоа ќе зависи од нивото на невработеноста и инфлацијата во САД“, заклучува Штериева.
НБРМ според досега вообичаената практика пред сè ги следи состојбите во Македонија, состојбите со инфлацијата со поголем број на фактори, неизвесноста која ја имаме во опкружувањето и дома и веројатно и е за очекување дека Централната банка на Македонија во 2024 година ќе има намалување на референтната каматна стапка.
Од 2022 година рефернтната каматна стапка досега се придвижи од 1,25 отсто до 6,3 отсто. Со оглед дека ризиците се сè уште присутни и од надворешното опкружување, односно од неизвесноста од страна од конфликтот со Украина, а сега се отвори и конфликтот на Блискиот Исток, инфлацијата во Македонија иако очекуваме дека ќе забавува, не е сè уште со она ниво со кое се очекува.
„НБРМ мсигурно ќе ги следи овие состојби и намалувањето на каматните стапки, намалувањето на референтната каматна стапка ќе биде во зависност од тоа, но сите очекуваме дека во 2024 ќе има намалување на каматните стапки“, додава Штериева.
Неизвесностите и натаму ја држат рестриктивна монетарата политика
Има одредени проекции дека во вториот квартал ќе се намали каматната стапка на ЕЦБ со тоа значи дека и кај нас ќе се намали, но има и одредени толкувања дека ќе има и зголемување, објаснува Синиша Наумоски, Претставник на УО на Германската висообразовна установа Хајделберг Институт во Скопје.
„Наредната година би требало да има намалување или привршување на воените дејствија во Украина. Намалувањето на воените конфликти значи дека проекциите и на Светската банка и на ММФ за стабилна инфлација и за незголемување на стапката ќе се стабилизира“, додава Наумоски.
Важно е да се види како ќе биде првиот квартал од 2024 година.
„Многу е важен првиот квартал од 2024 година на ЕУ бидејќи знаете дека има Европски избори или избори за европарламентот“, додава Наумоски.
Наумоски заклучува дека и во Македонија има парламентарни изброи и избори за претседател што исто така ќе имаат рефлексија врз движењата на стапката на инфлација.