.webp){kind=icon}
Само 43 отсто од испитаните странски инвеститори во земјава би донеле одлука во овој момент да инвестираат во земјава. Како најголем ризик за развојот на нивните инвестиции гледаат во недостигот на стручна работна сила, високата инфлација и корупција, зголемените трошоци за енергенси, правната неизвесност, како и непредвидливоста на економските политики на државата, вели Виктор Мизо, претседател на Советот на странски инвеститори и генерален директор на „Костал Македонија“, во интервју за „Блумберг Адрија“.
Тој посочува дека во анализата „Бизнис и инвестициски индикатор 2023“ направен е посебен осврт на актуелните состојби, ограничувачките фактори, идните трендови и очекувањата на компаниите со странски капитал за следната година.
Bloomberg Adria
Во однос на тековното работење на компаниите вели дека има подобрувања, но и предизвици.
„Има подобрување на нивните перформанси, има зголемен број на вработени, но истовремено се гледаат предизвици бидејќи инфлаторните движења во Европа иако се намалени, сепак економската активност е прилично намалена во голем дел на земји Западна Европа пред сè Германија која е наш главен извозен партнер“, вели Мизо.
Најголем дел од странските инвеститори кај нас се од автомбилската индустрија па оттаму важни се и случувањата во овој сектор.
„Во ноември, иако на Европскиот пазар има зголемување на продажбата на возилата, во Германија имаме пад од повеќе од 5 отсто и се гледа еден потенцијален проблем што ќе се случува до крајот на годината а веројатно и во првиот или вториот квартал идната година, вели Мизо.
Тој посочува дека предизвиците не се само поради побарувачката на автомобили, туку и поради она што истовремено се случува во Црвеното море, што директно ќе влијае на брзината на испораката на потребните компоненти кои доаѓаат од Азија како репроматеријал.
Според Мизо, следната година Европа би имала еден умерен одноно благ раст во однос на автомобилскиот сектор,што нема да биде многу повеќе од 2 отстоод оваа година. Тоа значи дека сепак ќе бидеме многу поназад од онаа бројка предпандемиска побарувачка на автомобили.
„Бизнис сентиментот во Западна Европа се уште е под влијание на инфлаторните движења, високите каматни стапки, тука е неизвесност дали електрификацијатаќе продолжи во исто темпо по која се случуваше во изминатиот период додава Мизо.
Тој заклучува дека следуваат предизвици што значи дека можеби нема да биде се толку розово како што се очекуваше можеби пред два до три месеци.
