.webp){kind=icon}
Во справувањето со економската криза, меѓу главните предизвици на компаниите е обезбедувањето пристап до финансии за одржување на ликвидноста и обезбедување услови за раст и развој на компаниите.
Според првиот човек на Бизнис-конфедерацијата на Македонија, Миле Бошков, неопходно е ревидирање на каматните стапки, кои ги поскапеа и ограничија кредитите за стопанството поради агресивната монетарна политика во државата.
Тој потенцира дека се важни и мерките за зголемување на конкурентноста на домашните компании на меѓународните пазари.
Прочитај повеќе
Данокот на солидарност со европско знаме, законот ќе се носи по кратка постапка
Денеска Владата ќе стави европско знаме на Законот за дан на солидарност
11.07.2023
Причините за инфлација и зошто е тешко да се намали во Македонија
Од 2000 година инфлацијата во земјава се движи на највисока стапка од 4 отсто со исклучок на финансиската криза во 2008 година
13.07.2023
Bloomberg Adria
„Треба да бидеме умни и да знаеме како ќе се справиме пред сè со пристапот до финансии, дали тоа би било од други извори на средства или, пак, со ревидирање на каматните стапки и начинот на кој се добиваат пари. Од друга страна, мора да поработиме малку повеќе на коридорите, поврзаноста, на начинот на кој нашата стока, нашите извозници, нашите производи се пласираат и стигнуваат на меѓународните пазари, таму каде што имаме партнери и, нормално, зголемено поттикнување на нашата локална домашна, национална потрошувачка, на кој било начин. Мораме да ја придвижиме потрошувачката за да можеме не само да влијаеме на стандардот на граѓаните, со тоа што кога тие би имале малку повеќе пари, малку повеќе би трошеле, туку нормално и да ги стабилизираме тековите на бизнис-движењето во национални марки. Треба да се разговара и како ’пливаме’ во силата и конкурентноста на економијата во рамките на регионот“, вели Бошков.
Bloomberg Adria
Бошков смета дека недостигаат дијалог и доверба меѓу Владата и бизнисот за креирање соодветни антиинфлаторни мерки.
Иако инфлацијата конечно во јуни дојде до едноцифрена вредност (9,3 проценти), првиот човек на Бизнис-конфедерацијата на Македонија стравува дека е можен нов раст на цените до крајот на годината.
Bloomberg Adria
„Треба секојдневно да бидеме во комуникација со Владата, да биде консултирана и бизнис-заедницата, да знаеме која е природата на инфлацијата и според тоа да ги креираме мерките. Мислам дека во овој момент зголеменото индустриско производство, растот на прехранбената индустрија, враќањето на гастарбајтерите, кои ја зголемуваат потрошувачката, влијаеја на намалување на инфлацијата, но до крајот на годината, кога ќе се нормализира односот потрошувачи – производство – увоз на суровини, повторно треба да очекуваме на некој начин и враќање на инфлацијата. Затоа треба да бидеме паметни и со подобри политики да се подготвуваме за наредната година“, вели Бошков.
Во однос на даночните промени, пак, и најавениот данок на солидарност, Бошков е категоричен дека на стопанството не му се потребни нови даночни товари.
„Ние никогаш не бевме за носење ад хок мерки во однос на даноците. За данокот на солидарност, пак, постои ризик да се стимулира и неотчетно известување за фискалните и даночните и профитабилните биланси на компаниите и поттикнување малверзации за избегнување на оваа давачка“, смета Бошков.
