Откако ЕЦБ ги намали каматните стапки а неделава се очекува одлука на Фед, која се поизвесно е дека нема да оди на иста линија со Европската централна банка, очекувањата се дека централните банки, сепак ќе бидат внимателни при носењето на одлуките во следниот период.
„Не очекувам радикално интензивна политика на намалување на каматите стапки. Сметам дека централните банки ќе бидат внимателни во делот на намалувањето, односно тоа да се случува постепено, вели Коста Костадиновски, Овластен инвестициски советник „Капитал Ассет Менаџмент“ Скопје во интервју за „Блумберг Адрија“.
Костадиновски смета дека ова е почеток на процес којшто ќе трае неколку години.
„Бројките коишто ги добиваме како проекција барем од ЕЦБ се охрабрувачки заради тоа што во 2025 година веќе се очекува постигнување инфлација во рамките на некои 2-2,5 отсто, вели Костадиновски.
Тој додава дека на пазарите на капитал намалувањето на каматните стапки веќе беше антиципирано во цените во голема мера.
Блумберг Адрија ТВ
„Мислам дека поголем ефект од ова намалување би требало се очекува во економијата отколку на пазарите на капитал имајќи предвид дека голем дел од овие очекувања за намалување на каматните стапки се вградуваа во пазарот дури и во текот на втората половина од 2023 година кога почна да се дискутира можноста за намалување на каматните стапки, вели Костадиновски.
На некој краток рок, на пазарите на капитал не очекувам некоја драматична промена особено не во делот во делот на акциите.
„Можеби во делот на обврзниците би имало краткорочно поголемо и попозитивно влијание ова намалување на каматните стапки во смисла на зголемување на цената на обврзниците односно намалување на каматните стапки по коишто се задолжуваат државите и компаниите. И тоа би требало практично да направи едно влијание врз целокупните инвестициски циклуси, особено во регионот, вели Костадиновски.
Имајќи предвид дека и во Македонија во овој изминатиот период каматните стапки за задолжувањето на државата драматично се зголемени ова релаксирање на монетарната политика од ЕЦБ мислам дека ќе придонесе доста позитивно за инвестициите на државата и буџетите на државата. Односно, очекувам намалувањето на каматите да донесат и повеќе инвестиции.
Во фокусот во регионот е финансискиот сектор кај што дава исклучително добро резултати во овој период.
„Препораката да се инвестира во финансиите во моментот мислам дека е најдобро, како и во компани коишто успеваат во секакви економски услови да остваруваат пораст на приходите, коишто исплаќаат добра дивиденда, вели Костадиновски.