Милијардерот Џим Ретклиф го заврши купувањето на удел во Манчестер јунајтед, откако неговата понуда ги надмина ривалите од државите богати со нафта и хеџ-фондовите.
Преку својот хемиски конгломерат „Инеос“ (Ineos Group), Ретклиф ќе плати 33 долари по акција за 25 отсто од акциите во фудбалскиот клуб, со што неговата вредност ќе достигне 5,4 милијарди долари, што е намалување од првично очекуваната вредност од околу 6 милијарди долари.
„Нашата заедничка амбиција е јасна: сите сакаме да го видиме Манчестер каде што му е местото“, рече Ретклиф, „на врвот на англискиот, европскиот и светскиот фудбал“.
Добро утро! Ова се петте вести што треба да ги знаете на почетокот од денот.
Бледнее ли ѕвездата на ДДВ во македонскиот буџет?
Најдоцна до утре Собранието ќе го изгласа буџетот за следната година. Ова е најголем буџет досега. Со него е планирано во 2024 година да бидат потрошени над 5,5 милијарди евра или 5,8 отсто повеќе од годинава. Планот е да бидат собрани 10 отсто повеќе пари од годинава или нешто над пет милијарди евра.
Најголем дел од приходите проектирани со буџетот за следната година треба да се собере од даноци. Или по оваа основа државата планира во 2024 година да собере 10 отсто повеќе од годинава - вкупно 2,9 милијарди евра.
Ѕвезда на буџетот за 2024 година треба да биде данокот на додадена вредност. Министерството за финансии испланира дека најголем дел од парите што ќе бидат собрани во државната каса ќе биде токму по таа основа. И за годинава беше планирано да бидат собрани близу 1,3 милијарда евра, но реализацијата потфрли...
Bloomberg Adria
Двојка за македонската економија в година
На чекор до новата година, која во Македонија ќе биде изборна, а за која веќе се најавени и таканаречени антикризни мерки, домашната економија се очекува да има малку подобар перформанс од годинашниот. Тоа ќе се огледа во зголемениот раст на бруто-домашниот производ (БДП), кој инаку само во проценти ќе биде повисок.
Нијансите нема да гарантираат подобар живот, како и вообичаено кога показателот е БДП.
Аналитичарите со кои се консултиравме очекуваат раст на вкупната економија во Македонија од околу два отсто следната година, попесимистички од очекувањата на Владата, која во буџетот предвиде раст на БДП од 3,4 проценти.
Како субвенциите влегоа на профитната страна на земјоделските компании
Субвенциите значително влијаат на финансиските резултати на земјоделските компании во регионот, особено во Хрватска и во Словенија. Во 2022 година најголем износ на добиени субвенции забележале компаниите „Беље плус“ и „Жито“ од Хрватска, двете компании од 14 милиони евра. Кога ќе споредиме со компаниите од Словенија, со оглед на разликата во големината на компаниите и обемот на активности, разликата во субвенциите не нè изненади. Меѓутоа, во споредба со компании со слична големина од Србија, како што се „Делта аграр“, „МК група“ или „Алмекс“, субвенциите во Хрватска се многукратно повисоки, дури седум-осум пати, во споредба со Србија.
Досега компаниите во Србија најмногу имаа проблеми со исплатата на субвенциите, но сè почесто слушаме за земјоделци од развиените земји како Франција што се жалат на доцнење на исплатата. Како дел од зелената агенда, Германија планира да ги прекине субвенциите за дизелот за земјоделците, што предизвика протести за да ја принудат владата да ги повлече тие планови.
Најголемите осцилации во индексот S&P 500 во 2023 година
Како што јазот меѓу петте најголеми американски компании и другите се проширува на крајно загрижувачки нивоа, пресвртите меѓу преостанатите топ 50 во индексот S&P 500 се на највисоко ниво во последните 10 години.
Педесетте највредни компании во индексот, кои сега сочинуваат околу 56 отсто од неговата вкупна тежина, се движеа нагоре или надолу во просек за девет места годинава. Таа нестабилност доаѓа дури и кога просечниот јаз во вреднувањето меѓу секоја компанија во топ 50 е повеќе од двојно зголемен, на 7 милијарди долари од 2013 година.
Ризикот од концентрација во самиот врв за кој многу се зборува - „Епл“ (Apple Inc.) сега вреди речиси повеќе од целата француска берза - значи дека инвеститорите сè повеќе очекуваат поврат од мал број компании. Топ 10-те компании по вредност сега вредат колку долните 415. Во 2013 година тој број беше 294.
„Маерск“ се враќа во Црвено Море под заштита на САД
„Маерск“ (А.P. Moller-Maersk A/S), втората по големина компанија за транспорт на контејнери во светот, соопшти дека се подготвува да продолжи со испораките преку Црвено Море, благодарение на мултинационалната поморска единица што ќе ги штити бродовите од нападите на јеменската бунтовничка група Хути.
„Во моментов правиме планови за првите пловила што ќе ја поминат транзитната маршрута и како да ги спроведеме што е можно поскоро“, велат од компанијата. „Безбедноста на нашите вработени е од најголема важност и врвен приоритет во предизвикувачката ситуација во регионот на Црвено Море/Аденскиот Залив“.
Во соопштението „Маерск“ посочи дека започнувањето на операцијата „Просперити гардијан“ (Prosperity Guardian), специјална поморска единица формирана од САД и сојузниците, е „добредојдена вест за индустријата“. САД и нивните сојузници истакнаа дека размислуваат за воена акција против групата Хути, која има поддршка од Иран.
.webp){kind=icon}
