.webp){kind=icon}
Какви се најновите трендови во малопродажбата во земјите од регионот Адрија ќе можете да прочитате во понеделник во новата анализа што ја подготви аналитичкиот тим на „Блумберг Адрија“. Истовремено, истражуваме какви производи за широка потрошувачка се увезуваат во Македонија и од кои земји. Прашуваме какви се ефектите од продолженото замрзнување на цените на основните прехранбени производи и кои се предизвиците што ги носат ваквите економски политики.
Епитетот „паметни“ го добиваат се‘ повеќе општини и градови во светот кои на различни начини ја подобруваат енергетската ефикасност и воведуваат технолошки решенија кои го подобруваат квалитетот на живеење на граѓаните. Анализираме каква е состојбата во Македонија и какви се шансите македонските општини и градови да го заслужат овој епитет.
Во време кога се дигитализира речиси секој сегмент од живеење во развиениот свет и се повеќе се зборува за дигитални валути, прашуваме дали и кога може да се очекува појавата на дигитален денар.
Кина значајно го зголеми извозот на автомобили, а Европа и други делови од светот се преплавени од кинески возила. Анализираме каква е состојбата со увозот на возила од Кина во Македонија.
Македонската берза неодамна го објави кодексот за известување за корпоративно управување. Во таа, насока прашуваме дали Владата има план да се занимава со ЕСГ регулативата и други сегменти кои треба да ја подобрат корпоративната средина во Македонија.
Со измената на прописите за платните системи во Македонија се предвидува воведување електронски систем на трансакциски сметки односно електронска присилна наплата на долгови. Анализираме кои се ефектите и предизвиците од овие новини.
