Точно 30.004 македонски граѓани во текот на минатата година за прв пат добиле дозвола за престој во некоја од земјите членки на Европската Унија, покажуваат податоците на Евростат. Од нив, 13.730 лица добиле дозвола за престој поради семејни причини, 1.028 лица за образование, а 2.535 лица поради други причини. Лани има зголемување во однос на 2022 година кога дозвола за престој во ЕУ за прв пат добиле 29.591 лице од Македонија.
Од земјите од регионот Адрија, кои не се членки на ЕУ, најголем број лица кои лани за прв пат добиле дозвола за престој има од Србија(50.933 лица), а потоа е Босна и Херцеговина со вкупно 46.370 лица. И од двете земји најмногу граѓани барале дозвола за престој во ЕУ поради семејни причини.
Според Евростат, повеќе од 3,7 милиони први дозволи за престој биле издадени во ЕУ на граѓани од земји кои не се дел од унијата во 2023 година, што претставува зголемување од 4,7 проценти во споредба со 2022 година и најголем број регистриран до сега.
Прочитај повеќе
Регионот со децении боледува од бела чума, го чека ли и економски колапс?
Ако не се промени ништо, Македонија ќе остане без дополнителни половина милион жители во следните 50 години.
06.08.2024
Данок на иселувањето: За 30 години ќе се изедначи бројот на работници и пензионери
Според ДЗС во првиот квартал од годинава како вработени биле евидентирани 687 351 лица
14.06.2024
Се изедначува бројот на деца до 14 и лица над 65 години - кој ќе работи во иднина?
Стареењето на населението и високата стапка на емиграција претставуваат дополнителни предизвици за продуктивност.
23.05.2024
„Вработувањето остана главната причина за издавање дозволи за престој во 2023 година, со 33,8 проценти (1,3 милиони) од сите први издадени дозволи за престој, што укажува на скромно намалување во споредба со 2022 година (-0,4 проценти)“, информираат од Евростат.
Дозвола за престој е секое овластување со важност од најмалку 3 месеци издадено од властите на земја-членка на ЕУ што дозволува државјанин на трета земја легално да престојува на нејзината територија. Нова дозвола за престој е дозвола што му се издава на лице за прв пат. Дозволата за престој се смета за нова дозвола и ако временскиот јаз помеѓу истекот на старата дозвола и почетокот на важноста на новата дозвола е најмалку 6 месеци, без оглед на годината на издавање на дозволата.
Семејните причини учествуваат со 26,4 проценти (986.453) од сите дозволи, што одразува зголемување од 6,4 проценти (+58.943) во споредба со 2022 година. Другите причини, вклучително и меѓународната заштита сочинуваат речиси исто учество (25,6 проценти односно 956.646 дозволи), со пораст од 5,3 проценти (+48.406). Образовните причини учествуваат со14,3 проценти (534.558) од сите први дозволи за престој, што претставува најголем вкупен пораст од 13,5 проценти (+63.674).
Во 2023 година, најголем број први дозволи за престој биле издадени на граѓаните на Украина (307.313), по што следат Белорусија (281.279) и Индија (207.966). Кога станува збор за првите 10 земји по бројност на доделени дозволи за престој, вработувањето е најчеста причина за државјаните на Украина (71,7 проценти), Белорусија (52,3 проценти), Индија (45,2 проценти) и Турција (31,8 проценти). Други причини, вклучително и меѓународната заштита, доминираат кај граѓаните на Сирија (77,3 проценти) и Авганистан (85,1 проценти). Семејните причини заземаат најголем дел од дозволите за државјаните на Мароко (50,3 проценти), Русија (39,4 проценти) и Бразил (35,3 проценти), додека на државјаните на Кина најмногу им се издавале дозволи од образовни причини (37,8 проценти).
.webp){kind=icon}
