Автономното возење на „Тесла“ под истрага по фатална незгода во САД

САД отворија сојузна истрага за тоа дали системот за делумна автоматизација на „Тесла“ (Tesla Inc.), познат како ФСД (Full Self-Driving - FSD), е дефектен по четири несреќи, од кои една заврши со фатален исход.

Националната администрација за безбедност на сообраќајот на патиштата (NHTSA) во петокот соопшти дека ќе процени дали системот на „Тесла“, познат како ФСД, има способност да открие и соодветно да реагира на магла и други ситуации во кои видливоста на патот е намалена. Агенцијата соопшти дека се пријавени четири несреќи во такви сценарија во кои ФСД бил вклучен.

Во една од тие несреќи, возилото на „Тесла“ усмртило пешак, а во друга несреќа е пријавена повреда, според НХТСА.

Истрагата претставува потенцијално голем неуспех за напорите на извршниот директор Илон Маск да ја позиционира „Тесла“ како лидер во автоматизираното возење. Компанијата минатата недела организира настан во филмско студио во областа на Лос Анџелес со прототипови на автономни возила и им наплаќа илјадници долари на корисниците за ФСД, систем што сепак бара постојан надзор од возачот.

Маск изјави дека способноста на „Тесла“ да развие технологија за самоуправување ќе направи „разликата помеѓу тоа ’Тесла’ да вреди многу пари или да не вреди практично ништо“.

Во моментов нема коментари за веста. Биди прв да коментира...

Остави коментар