Температурата ќе расте и во следните години затоа што светот ја пропушта целта за намалување на штетните емисии. Во најновата анализа на Агенцијата на Обединетите нации уште стои дека голема е веројатноста глобалното затоплување да биде уште поопасно.
Според овој извештај, лани била регистрирана рекордна концентрација на стакленички гасови во атмосферата, а се зголемило и нивото на метан и азот оксид. Јаглерод диоксидот се акумулира побрзо од кога било во атмосферата, зголемувајќи се за повеќе од 10 проценти за две децении.
„Загадувањето со стакленички гасови на овие нивоа гарантира човечка и економска катастрофа за секоја земја, без исклучок“, рече Сајмон Стил, извршен секретар на ОН за климатски промени.
Прочитај повеќе
Климатските промени ги зголемуваат банкарските ризици
Близу 80 отсто од кредитите се пласирани во ризични подрачја.
24.10.2024
На Македонија ѝ требаат 6,4 милијарди долари за отпорност кон климатските промени
Поради климатските промени земјава до 2050 година би можела да се соочи со економски штети до четири проценти од БДП.
07.10.2024
Иднина без јаглен: Кога термоцентралите во регионот ќе престанат да чадат?
Лани четири постројки ги надминаа границите за емисии на ЅО2 за повеќе од десет пати.
24.10.2024
Кои се најголемите загадувачи на Балканот?
Емисиите на сулфур диоксид лани биле поголеми од 2022 година, правилата се прекршуваат веќе шест години.
17.09.2024
Сите предизвици за Македонија на патот на енергетската транзиција
Целта е намалување на стакленичките гасови за 72 отсто до 2050 година во споредба со 1990 година.
28.11.2023
Сè додека продолжуваат емисиите, стакленичките гасови ќе продолжат да се акумулираат во атмосферата, зголемувајќи ги температурите, се наведува во извештајот кој уште нотира дека глобалните температури и на копно и на море лани биле највисоки по 1850 година.
„Уште една година. Уште еден рекорд. Ова треба да биде повик за будење за носителите на одлуки. Очигледно заостануваме зад целта на Парискиот договор за климата од 2015 година“, изјави генералната секретарка на Светската метеоролошка организација, Селест Сауло.
Според најновите климатски планови, вкупните емисии на CO2 во атмосферата во 2030 година ќе бидат само 2,6 отсто пониски отколку во 2019 година. За да се исполни целта за ограничувањето на растот на температурите на 1,5 степени, емисиите би требало да се намалат за 43 отсто во истиот временски период.
Најдобрата процена за тоа каде температурите ќе го достигнат врвот овој век, врз основа на националните климатски планови, е помеѓу 2,1 и 2,8 степени Целзиусови, соопшти институцијата.
Извештајот е последен во серијата страшни прогнози за глобалното затоплување, при што друго тело на ОН минатата недела најави дека светот е на пат да се загрее за 3,1 Целзиусови степени, што би довело до серија климатски падови кои би ја забрзале распространетоста на екстремни временски настани.
Светските лидери ќе се состанат во Баку, Азербејџан за две недели за климатскиот самит КОП29 за да се фокусираат на тоа како да се зголеми финансирањето за климата за земјите во развој за да им се помогне во транзицијата и да се справат со најлошите влијанија од климатските промени.
.webp){kind=icon}