„Астрономски“ цени, а становите во Скопје не се најскапи во регионот

Во Скопје е најевтино да се изнајми стан или да се купи нов, но тоа не значи дека и сметките ќе бидат најниски. „Блумберг Адрија“ ги споредува цените во 10 главни града во земјите од регионот.

Ги анализираме цените за изнајмување трособен стан во центарот на престолнините и надвор од нив, цените на метар квадратен, но и сметките за комуналии за таков стан. Исто така, анализираме и што дишете за тие пари, односно кој од овие 10 градови е најгоре на листата на загадени.

Податоците од Нумбео (Numbeo.com) покажуваат дека од земјите во овој регион најскапа е Љубљана. И тоа нема врска со членството во Европската Унија затоа што на второ место се наоѓа Белград.

Сметките пак, се највисоки  исто така во Љубљана, но Белград се држи на средината на табелата. Најевтини режиски трошоци плаќаат граѓаните на Тирана и Приштина. Скопје е меѓу лидерите по загадување.

Љубљана е најскапа за живот

Во главниот град на Грција, многу е мала разликата за изнајмување или купување стан во центарот или на периферијата. Изнајмување трособен стан во центарот на Атина чини 870 евра, за периферијата 40 евра помалку. За купување стан, во центарот метар квадратен е 70 евра поскап отколку надвор од него.

Во другите градови во регионот, дефинитивно прави разлика дали ќе живеете во цантар или не. Најскапа за рентање е Љубљана. Во центарот на словенечката престолнина, според Нумбео, изнајмување трособен стан чини 1.250 евра. Надвор од централното градско подрачје цената паѓа до 954 евра. Четрицифрена кирија во земјите во регионот се плаќа само уште за трособен стан во центарот на Белград 1.160 евра, на периферијата на српскиот главен град, киријата за истата квадратура изнесува околу 740 евра. Од земјите во ЕУ, Атина има пониски кирии од Загреб, а Софија со 793 евра за месечен наем на трособен стан е најевтина.

Од земјите на Западен Балкан, највисоки се кириите во Подгорица, а најниски во Сараево и Скопје.

Споредивме и колку чини купувањето метар квадратен во овие 10 престолнини. Цените се највисоки во центарот на Љубљана каде квадрат надминува 4.300 евра. И на оваа листа, Белград е втор со над 3.100 евра за кавдрат во центарот на градот и близу 2.000 вон центрот. Во Загреб, цената за метар квадратен во центарот изнесува 3.715 евра, а надвор 2.533. Над 2.000 евра метар квадратен во ценар има уште и во Атина, Софија, Сараево и Тирана.

Само Тирана е позагадена од Скопје

Во Скопје во текот на 2022 година цената на метар квадратен достигна рекордни нивоа. Според Нумбео, просечната цена на метар квадратен во централното градско подрачје изнесува 1.663 евра, но и натаму е најевтин главен град за купување стан во регионот.

Иако во Скопје квадратот е најевтин, а кириите најпристапни, домувањето не е најевтино. Просечната висина на сметките за стан од 85 метри квадратни во Тирана изнесуваат само 82 евра во Скопје 127. Поевтини комуналии се плаќаат и во Софија. За истата квадратура просекот изнесува 125 евра, во Приштина 85.

Најскапо е домувањето во Љубљана, 247 евра за стан. Белград, иако е втор на листата по висината на кириите и метар квадратен, за домување е поевтин. Комуналиите за трособен стан таму изнесуваат во просек 145 евра. Во Сараево за оваа намена се издвојуваат 150 евра.

И за крај, нивото на загадување е еден од критериумите кој е важен при изборот на стан. Оттука не е чудо што Скопје е најдолу на листата по цените, затоа што од сите 10 града во регионот, само Тирана има повисок индекс на загадување од македонскиот главен град. Најчисти градови се Загреб и Љубљана.

Во моментов нема коментари за веста. Биди прв да коментира...

Остави коментар